ଫେସବୁକରେ କମେଣ୍ଟମରାକୁ ନେଇ ଯୁବକଙ୍କୁ ନିର୍ଦ୍ଧୁମ ଛେଚିଲେ; ପୋଲିସ ବି ବାଦ୍ ପଡିଲେନି ।

କନକ ବ୍ୟୁରୋ: ଫେସବୁକରେ କମେଣ୍ଟମରାକୁ ନେଇ ତୁମୁଳକାଣ୍ଡ । ପୋଲିସ ଉପସ୍ଥିତିରେ ପୋଲିସ ଗାଡିରୁ ଭିଡ଼ି ନେଇ ନିର୍ଦ୍ଧୁମ ପିଟିଲେ ଗ୍ରାମବାସୀ। ପୋଲିସକୁ ମଧ୍ୟ ଆକ୍ରମଣ ହୋଇଥିବା ସୂଚନା ମିଳିଛି । ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା କୋଦଳା ଥାନା କଣ୍ଟାପଡା ଗାଁରେ । 

ଫେସବୁକରେ କମେଣ୍ଟମରାକୁ ନେଇ ଜଣେ ଯୁବକଙ୍କୁ ଆକ୍ରମଣ ହୋଇଥିବା ଜଣାପଡିଛି । ଏହି ଘଟଣାକୁ ନେଇ ଗାଁର ରତ୍ନାକର ଖଟୁଆ ଓ କିଛି ଯୁବକଙ୍କ ସହ ବଚସା ହେବା ସହ ହାତାହାତି ହୋଇଥିଲା । ଫଳରେ ରତ୍ନାକର ସେଠାରୁ ଖସିଯାଇ ପୋଲିସକୁ ଜଣାଇଥିଲେ । ଖବର ପାଇ କୋଦଳା ପୋଲିସ ଘଟଣାସ୍ଥଳରେ ପହଞ୍ଚି ରତ୍ନାକରକୁ ଉଦ୍ଧାର କରିବାକୁ ଚେଷ୍ଟା କରିଥିଲା । ହେଲେ ଗାଁର କିଛି ଲୋକ ତାଙ୍କୁ ଛାଡି ନଥିଲେ । ଏପରି କି ପୋଲିସ ଉପସ୍ଥିତରେ ରତ୍ନାକରକୁ ଆକ୍ରମଣ କରିଥିବା ଏବଂ ପୋଲିସ ନାକେଦମ ହୋଇଥିବା ଜଣାପଡିଛି । ପରେ ଗାଁର କିଛି ଭଦ୍ର ଲୋକ ଓ ପୋଲିସ ସହାୟତାରେ ରତ୍ନାକରକୁ ଉଦ୍ଧାର କରାଯାଇଥିଲା। 

ରତ୍ନାକର କୋଦଳା ଥାନାରେ ୧୨ ଜଣରୁ ଅଧିକ ଲୋକଙ୍କ ନାଁରେ ଏତଲା ଦେଇଛନ୍ତି। ଅନ୍ୟପଟେ ପୋଲିସକୁ ନିଜ କାର୍ଯ୍ୟରେ ବ୍ୟାଘାତ ସୃଷ୍ଟି କରିଥିବା ଓ ଆଇନକୁ ଅବମାନନା କରିବା ଏବଂ ପୋଲିସକୁ ଆକ୍ରମଣ କରି ଯୋଗୁଁ ପୋଲିସ ପକ୍ଷରୁ ଏକ ମାମଲା ମଧ୍ୟ ରୁଜୁ ହୋଇଛି।