କନକ ବ୍ୟୁରୋ: ପୂର୍ବ ଶତ୍ରୁତା କେନ୍ଦ୍ରକରି ଯୁବକଙ୍କୁ ମରଣାନ୍ତକ ଆକ୍ରମଣ । ଗୁରୁତର ଅବସ୍ଥାରେ ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି । ସୁଚନା ଅନୁସାରେ, ବାଲିଆପାଳ ଥାନା ବଢାପାଳ ଗ୍ରାମର ରଶ୍ମି ରଞ୍ଜନ ବାରିକ ନାମକ ଯୁବକ ସନ୍ଧ୍ୟାରେ ବାଲିଆପାଳର ସିମୁଳିଆ ବଜାରରେ ଛିଡା ହୋଇଥିଲେ । ଏହି ସମୟରେ ବେଳେ ୩ଜଣ ଯୁବକ ଏକ ବାଇକରେ ଆସି ମାରଣାସ୍ତ୍ର ଓ ବିୟର ବୋତଲରେ ରଶ୍ମିଙ୍କୁ ଆକ୍ରମଣ କରିଥିଲେ । ସ୍ଥାନୀୟ ଲୋକେ ଯୁବକଙ୍କୁ ଉଦ୍ଧାର କରିଥିବା ବେଳେ ଦୁର୍ବୃତ୍ତମାନେ ସେଠାରୁ ଚମ୍ପଟ ମାରିଥିଲେ । ଗୁରୁତର ରଶ୍ମିରଞ୍ଜନଙ୍କୁ ବାଲିଆପାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣ କରାଯାଇଥିବା ଜଣାଯାଇଛି।