କନକବ୍ୟୁରୋ :  ମଙ୍ଗଳବାର ପ୍ରୟାଗରାଜ ମାଘ ମେଳା କର୍ତ୍ତୃପକ୍ଷଙ୍କ ତରଫରୁ ସ୍ୱାମୀ ଅବିମୁକ୍ତେଶ୍ବରାନନ୍ଦଙ୍କୁ ଏକ ନୋଟିସ୍ ପଠାଯାଇଥିଲା। ନୋଟିସରେ ଦର୍ଶାଯାଇଛି ଯେ ଆପଣ ନିଜକୁ ଜ୍ୟୋତିପୀଠର ଶଙ୍କରାଚାର୍ଯ୍ୟ ଭାବରେ କିପରି ଉପସ୍ଥାପନ କରୁଛନ୍ତି, ଯେତେବେଳେ କି ଏହି ମାମଲା ସୁପ୍ରିମ୍‌କୋର୍ଟରେ ଅଛି? ଏଥି ସହିତ ମେଳା ପ୍ରାଧିକରଣର ଏହି ନୋଟିସର ଉତ୍ତର ସ୍ୱାମୀ ଅବିମୁକ୍ତେଶ୍ବରାନନ୍ଦ ଦେଇଛନ୍ତି। ୮ ପୃଷ୍ଠାର ଇଂରାଜୀରେ ଲିଖିତ ଉତ୍ତରରେ ସ୍ବାମୀ ଅବିମୁକ୍ତେଶ୍ବରାନନ୍ଦ ନିଜକୁ ଜ୍ୟୋତିପୀଠର ଶଙ୍କରାଚାର୍ଯ୍ୟ ବୋଲି ଦାବି କରିଛନ୍ତି । 

Advertisment

ଅବିମୁକ୍ତେଶ୍ବରାନନ୍ଦଙ୍କ ଉତ୍ତର ମେଳା ପ୍ରାଧିକରଣଙ୍କ ମେଲ୍ ଆଇଡିରୁ ଆରମ୍ଭ କରି ସେକ୍ଟର-୪ରେ ଥିବା ମେଳା ଅଥରିଟିଙ୍କ କାର୍ଯ୍ୟାଳୟ ପର୍ଯ୍ୟନ୍ତ ପଠାଯାଇଛି। ଅବିମୁକ୍ତେଶ୍ବରାନନ୍ଦଙ୍କ ଟିମ୍‌ ମେଳା ପ୍ରଶାସନକୁ ନୋଟିସ୍‌ର ଉତ୍ତର ଦେବା ପାଇଁ ଅଫିସ୍ ଯାଇଥିଲେ। ସେହି ସମୟରେ ନୋଟିସ୍‌ର ଉତ୍ତର ନେବାକୁ କୌଣସି ଦାୟିତ୍ୱବାନ ଅଧିକାରୀ ନ ଥିଲେ। ଏହାପରେ ଅନୁଗାମୀମାନେ ଗେଟ୍‌ରେ ହିଁ ଉତ୍ତର ଝୁଲାଇ ଦେଇଥିଲେ ।

ଏଆଇ ଯୋଗୁ ଭାରତ-ପାକିସ୍ତାନ ପରମାଣୁ ସଂଘର୍ଷ ହୋଇଥାନ୍ତା: ରିପୋର୍ଟରେ ବଡ଼ ଖୁଲାସା

  
ସୁପ୍ରିମ୍‌କୋର୍ଟର ବରିଷ୍ଠ ଓକିଲ ଅଞ୍ଜନୀ କୁମାର ମିଶ୍ର ପ୍ରୟାଗରାଜ ମାଘ ମେଳା କର୍ତ୍ତୃପକ୍ଷଙ୍କୁ ଏହି ଜବାବ ପଠାଇଛନ୍ତି, ଯେଉଁଥିରେ ମେଳା କର୍ତ୍ତୃପକ୍ଷଙ୍କ ଦ୍ୱାରା ପଠାଯାଇଥିବା ନୋଟିସକୁ ଅପମାନଜନକ ତଥା କୋଟି କୋଟି ହିନ୍ଦୁଙ୍କ ବିଶ୍ୱାସ ସହିତ ଖେଳ ବୋଲି ବର୍ଣ୍ଣନା କରାଯାଇଛି। ଏହା ପୂର୍ବରୁ ଅବିମୁକ୍ତେଶ୍ବରାନନ୍ଦଙ୍କ ତରଫରୁ ସୁପ୍ରିମ୍‌କୋର୍ଟର ଓକିଲ ପିଏନ୍ ମିଶ୍ର କହିଥିଲେ ଯେ ଅକ୍ଟୋବର ୧୪, ୨୦୨୨ରେ ଦର୍ଶାଯାଇଥିବା ସିଭିଲ୍ ଅପିଲରେ ଏହି ନିର୍ଦ୍ଦେଶ ଦିଆଯାଇଛି, ଯାହାକୁ ପ୍ରଶାସନ ଦର୍ଶାଉଛି। ଏହା ପୂର୍ବରୁ ୨୧ ସେପ୍ଟେମ୍ବର ୨୦୨୨ର ଆଦେଶ ରହିଛି, ଯେଉଁଥିରେ ସ୍ୱାମୀ ଅବିମୁକ୍ତେଶ୍ବରାନନ୍ଦଙ୍କୁ ଶଙ୍କରାଚାର୍ଯ୍ୟ ଭାବେ ବର୍ଣ୍ଣନା କରାଯାଇଛି। 

ସ୍ୱାମୀଙ୍କ ପଟ୍ଟାଭିଷେକ ୧୨ ଅକ୍ଟୋବର ୨୦୨୨ରେ କରାଯାଇଥିଲା। ଯେଉଁ ଆଦେଶ ସୁପ୍ରିମ୍‌କୋର୍ଟଙ୍କର ବୋଲି ପ୍ରଶାସନ ଦର୍ଶାଇଛି ତାହା ଅକ୍ଟୋବର ୧୭ ତାରିଖର। ସ୍ୱାମୀ ଅବିମୁକ୍ତେଶ୍ବରାନନ୍ଦଙ୍କର ପୂର୍ବରୁ ପଟ୍ଟାଭିଷେକ ହୋଇସାରିଥିଲା। ସୁପ୍ରିମ୍‌କୋର୍ଟ ନିଜ ଆଦେଶରେ ଅନେକ ସ୍ଥାନରେ ତାଙ୍କୁ ଶଙ୍କରାଚାର୍ଯ୍ୟ ବୋଲି ଲେଖିଛନ୍ତି। ପ୍ରଶାସନିକ ଅଧିକାରୀଙ୍କ ଦ୍ୱାରା ପଠାଯାଇଥିବା ନୋଟିସ୍ ସୁପ୍ରିମ୍‌କୋର୍ଟଙ୍କ ଅବମାନନା ସହିତ ସମାନ ।

କାରଣ ଅକ୍ଟୋବର ୧୭ ପରେ ସୁପ୍ରିମ୍‌କୋର୍ଟ ପଟ୍ଟାଭିଷେକ ଉପରେ କୌଣସି ପ୍ରତିବନ୍ଧକ ଲଗାଇ ନାହାନ୍ତି। ପିଏନ୍ ମିଶ୍ର କହିଛନ୍ତି ଯେ, ମିଥ୍ୟା ସତ୍ୟପାଠ ଦେଇ ବାସୁଦେବାନନ୍ଦ ସୁପ୍ରିମ୍‌କୋର୍ଟରୁ ଏହି ନିର୍ଦ୍ଦେଶ ନେଇଥିଲେ, ଯାହା ଉପରେ ପିଟିସନ ଦାଖଲ କରାଯାଇଛି। ଏହି ବିଜ୍ଞପ୍ତିର ଜବାବରେ ଆମେ ସ୍ୱାମୀ ଅବିମୁକ୍ତେଶ୍ବରାନନ୍ଦଙ୍କ ତରଫରୁ ଏକ ଉତ୍ତର ପଠାଇଛୁ। ନୋଟିସ୍ ଦେଇ ଦ୍ୱନ୍ଦ୍ୱ ସୃଷ୍ଟି କରିଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।