କନକ ବ୍ୟୁରୋ: ନଦୀକୁ ଡେଇଁ ମହିଳା ନିଖୋଜ । କଟକ ନେମାଳ ଥାନା ଫତେପୁର ଗାଁରେ ଘଟିଛି ଘଟଣା । ଫତେପୁର ନିକଟ ଲୁଣା ନଦୀରେ ବାଲିଅପଦା ଜଣେ ମହିଳା ପଥର ଉପରକୁ ଯାଇ ନଦୀ ଭିତରକୁ ଡେଇଁ ପଡିଥିଲେ । ନଦୀ ଭିତରକୁ ଡେଇଁବାର ଚିତ୍ର ମଧ୍ୟ ସାମନାକୁ ଆସିଛି । ନଦୀକୁ ଡେଇଁବା ପରେ ମହିଳା ଜଣକ କିଭଳି ପାଣିରେ ବୁଡି ଯାଇଥିଲେ । ବିଚଳିତ କଲାଭଳି ଦୃଶ୍ୟ ଦେଖିବାକୁ ମିଳିଥିଲା । ମହିଳା ଜଣକ ପାଣିକୁ ଡେଇଁବା ପରେ ନିଖୋଜ ହୋଇଯାଇଛନ୍ତି । ତେବେ ଘରୋଇ ସଂସ୍ଥାରୁ ଋଣ ନେଇ ସ୍ବାମି ସ୍ତ୍ରୀଙ୍କ ମଧ୍ୟରେ ଝଗଡା କାରଣରୁ ମହିଳା ଜଣକ ଏହିଭଳି ପଦକ୍ଷେପ ନେଇଥିବା ଅଭିଯୋଗ କରିଛନ୍ତି ସମ୍ପର୍କୀୟ । ସେପଟେ ମନୋମାଳିନ୍ୟ କଥାକୁ ସମ୍ପୂର୍ଣ୍ଣ ଖଣ୍ଡନ କରିଛନ୍ତି  ନିଖୋଜ ମହିଳାଙ୍କ ସ୍ୱାମୀ । ଏବେ ବି ମହିଳାଙ୍କ ଉଦ୍ଧାର କାର୍ଯ୍ୟ ଜାରି ରହିଛି ।