ଗୁଣି ସନ୍ଦେହରେ ମହିଳାଙ୍କୁ ଟାଙ୍ଗିଆରେ ହାଣି ବୀଭତ୍ସ ହତ୍ୟା । ଉମରକୋଟ ନାଗଡ଼ସିଲ ଗାଁରେ ଉତ୍ତେଜନା ।

କନକ ବ୍ୟୁରୋ :  ଗୁଣି ସନ୍ଦେହରେ ମହିଳାଙ୍କୁ ଟାଙ୍ଗିଆରେ ହାଣି ବୀଭତ୍ସ ହତ୍ୟା। ନବରଙ୍ଗପୁର ଜିଲ୍ଲା ଉମରକୋଟ ଥାନା ନାଗଡ଼ସିଲ ଗାଁରେ ଏହି ଅଭାବନୀୟ ଘଟଣା ଘଟିଛି। ମୃତ ମହିଳା ହେଲେ ବାର୍ସ ସାନ୍ତା। ତାଙ୍କୁ ଗାଁର ମଦ ସାନ୍ତା ଟାଙ୍ଗିଆରେ ହାଣି ହତ୍ୟା କରିଛନ୍ତି ।

ମଦ ସାନ୍ତାଙ୍କ ୧୪ ବର୍ଷର ପୁଅ ବନି ସାନ୍ତା ୪ ବର୍ଷ ହେଲା ଅସୁସ୍ଥ ଥିଲେ। ଆଜି ସକାଳୁ ମୃତ୍ୟୁ ହୋଇଥିଲା। ବାର୍ସ ସାନ୍ତା ଗୁଣି କରି ତାଙ୍କ ପୁଅକୁ ମାରି ଦେଇଥିବା ସନ୍ଦେହ କରି ବାପା ଏଭଳି ନାରକୀୟ କାଣ୍ଡ ଘଟାଇଛି। ମହିଳାଙ୍କ ହତ୍ୟାକୁ ନେଇ ଗାଁରେ ଉତ୍ତେଜନା ଦେଖାଦେଇଛି।