କନକ ବ୍ୟୁରୋ :୭ ମାସ ପୁଅର ଢାଲ ସାଜିଲା ମା’
                       ନିଆଁ ଭିତରେ ଛାତିରେ ଜାବୁଡ଼ି ଧରିଲେ
                       ମୃତ୍ୟୁର ଛାୟା ଭିତରୁ  ଟାଣିଆଣି ଜୀବନ ଦେଲେ

Advertisment

ଛୁଆ ପ୍ରତି ମାଆର ତ୍ୟାଗ କେତେ ବିଶାଳ ହୋଇପାରେ, ଗତ ଜୁନ୍ ୧୨ ତାରିଖରେ ଅହମଦାବାଦର ବିଜେ ମେଡିକାଲ କଲେଜ ଆବାସିକ କ୍ୱାର୍ଟର୍ସରେ ଏୟାର୍ ଇଣ୍ଡିଆର ଆଇସି୧୭୧ ଦୁର୍ଘଟଣାଗ୍ରସ୍ତ ହେବା ଘଟଣାରୁ ତାହା ଆଉ ଏକ ଉଦାହରଣ ସୃଷ୍ଟି କରିଛି । ଏହି ଦୁନିଆରେ ମାଆର ପ୍ରେମଠାରୁ ବଡ଼ କିଛି ନାହିଁ ଏହାକୁ ପୁଣିଥରେ ପ୍ରମାଣ କରଛି । ମନୀଷା କଛାଡ଼ିଆ ତାଙ୍କ ପୁଅ ଧ୍ୟାନ୍ସଙ୍କ ସହିତ ସେହି କୋଠାରେ ଉପସ୍ଥିତ ଥିଲେ  । କିନ୍ତୁ ପ୍ରଜ୍ୱଳିତ ନିଆଁ, ଘନ ଧୂଆଁ ଏବଂ ମୃତ୍ୟୁର ଛାୟା ମଧ୍ୟରେ, ମନୀଷା ତାଙ୍କ ୮ ମାସର ପୁଅ ପାଇଁ ଢାଲ ସାଜିଲେ, କୁନି ପୁଅକୁ ନିଜ ଶରୀରରେ ଘୋଡ଼ାଇ ଦେଲେ ଏବଂ ଏକ ସୁରକ୍ଷା କବଚ ତିଆରି କଲେ । 

ଦୁର୍ଘଟଣା ସମୟରେ ମନୀଷା ଓ ତାଙ୍କ ୮ ମାସର ପୁଅ ଦୁର୍ଘଟଣାଗ୍ରସ୍ତ ମେଡିକାଲ ହଷ୍ଟେଲ ନିକଟ  ଏବଂ କ୍ୱାର୍ଟରରେ ଥିଲେ ।  ସେଦିନ ଘଟିଥିବା ବିମାନ ଦୁର୍ଘଟଣା ପରେ ହୋଇଥିବା ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ ଫ୍ଲାଟ ଭିତରେ ଥିବା ସତ୍ତ୍ୱେ ଗରମ ଯୋଗୁଁ ମନୀଷା ଏବଂ କୁନି ପୁଅ ଧ୍ୟାନ ପୋଡ଼ି ଯାଇଥିଲେ । ଦୁର୍ଘଟଣା ପରେ ମନୀଷା ଆହତ ହୋଇଥିଲେ, କିନ୍ତୁ ସେ ତାଙ୍କ ପୁଅକୁ ଉଠାଇ କୋଠାରୁ ବାହାରକୁ ଦୌଡ଼ି ପଳାଇଥିଲେ ଏବଂ ଉଭୟ ବଞ୍ଚି ଯାଇଥିଲେ । କିନ୍ତୁ କୁନି ପୁଅ ଧ୍ୟାନ୍ସ ୩୬ ପ୍ରତିଶତ ପୋଡ଼ି ଯାଇଥିଲା । ସିଭିଲ୍ ହସ୍ପିଟାଲରେ ପ୍ରାଥମିକ ଚିକିତ୍ସା ପରେ ଉଭୟଙ୍କୁ କେଡି ହସ୍ପିଟାଲକୁ ନିଆଯାଇଥିଲା । ମନୀଷାଙ୍କ ହାତ, ମୁହଁ ଏବଂ ପାଦରେ ୨୫ ସ୍ଥାନରେ ପୋଡ଼ି ଯାଇଥିଲା, ଯେତେବେଳେ ଶିଶୁର ମୁହଁ ଏବଂ ଶରୀରର ଅନ୍ୟାନ୍ୟ ଅଂଶ ୩୬ ପ୍ରତିଶତ ପର୍ଯ୍ୟନ୍ତ ପୋଡ଼ି ଯାଇଥିଲା । ଉଭୟ ମା’ ଏବଂ ପୁଅର ଗଭୀର କ୍ଷତ ଥିଲା । ସେହି କ୍ଷତଗୁଡ଼ିକୁ ସୁସ୍ଥ କରିବାକୁ ଚର୍ମ ପ୍ରତିରୋପଣ ପ୍ରକ୍ରିୟା କରିବାକୁ ପଡିଥିଲା । ଏଥିପାଇଁ  ପୁଅକୁ ନିଜ ଚର୍ମ ଦାନ କରିଥିଲେ ମା’ ମନୀଷା । ଆଉ ଚର୍ମ ଦେବା କେତେ କଷ୍ଟକର ତାହା ଯିଏ ଦେଇଛି ସେ ହିଁ ସେ ଯନ୍ତ୍ରଣାକୁ ଜାଣିଛି, ଯାହା ମନୀଷା ଭୋଗିଛନ୍ତି ,ତଥାପି ନିଜକୁ ପୁଅକୁ ବଞ୍ଚାଇଛନ୍ତି ।

ଜୁନ୍ ୧୨ ତାରିଖରେ, ଏୟାର ଇଣ୍ଡିଆର ଏକ ବିମାନ ମେଡିକାଲ୍ କଲେଜର ଛାତ ଉପରେ ଦୁର୍ଘଟଣାଗ୍ରସ୍ତ ହୋଇଥିଲା । ମନୀଷା କଛାଡ଼ିଆ ଏବଂ ତାଙ୍କ ପୁଅ ଧ୍ୟାନ୍ସ ମେଡିକାଲ୍ କଲେଜ କୋଠାରେ ସେମାନଙ୍କ କ୍ୱାର୍ଟରରେ ଥିଲେ । ବିମାନ ଦୁର୍ଘଟଣା ପରେ ଲାଗିଥିବା ଅଗ୍ନିକାଣ୍ଡରେ ଧ୍ୟାନ୍ସ ୩୬ ପ୍ରତିଶତ ପର୍ଯ୍ୟନ୍ତ ପୋଡ଼ିଯାଇଥିଲେ । ଯେତେବେଳେ ତାଙ୍କ ମାଆ ୨୫ ପ୍ରତିଶତ ପର୍ଯ୍ୟନ୍ତ ପୋଡ଼ି ଯାଇଥିଲେ । ପିଲାଟିର ଚିକିତ୍ସା ପାଇଁ ତାଙ୍କ ମାଆ ତାଙ୍କ ଚର୍ମ ପ୍ରତିରୋପଣ କରାଇଥିଲେ ।

ଜୁନ୍ ୧୨ ତାରିଖରେ, ଘଟିଥିବା ଏୟାର ଇଣ୍ଡିଆର ବିମାନ ଦୁର୍ଘଟଣା ଅତୀତ ହୋଇଯାଇଛି ସତ ହେଲେ ଅନେକ କାହାଣୀ ଛାଡ଼ିଯାଇଛି । ତା ଭିତରେ ଜଣେ ମାଆର ତ୍ୟାଗ ବି ସମସ୍ତଙ୍କୁ ଭାବବିହ୍ବଳ କରିଛି । ଆଜି ମନୀଷା ଓ ପୁଅ ଧ୍ୟାନ୍ସ ମେଡିକାଲରୁ ଡିସଚାର୍ଜ ହୋଇଛନ୍ତି ସତ ହେଲେ ଜଣେ ମାଆର ତ୍ୟାଗର କାହାଣୀ ଆଜି ବି ଆଖି ଭିଜାଉଛି ।