ଓଟିଇଟି ପ୍ରଶ୍ନପତ୍ର ଲିକ୍‌ରେ ଗଡିବ କି ବଡମୁଣ୍ଡ ? ସ୍କାନରରେ ବୋର୍ଡ ସଭାପତି

କନକ ବ୍ୟୁରୋ : ଓଟିଇଟି ପ୍ରଶ୍ନପତ୍ର ପ୍ରଘଟ ମାମଲାରେ କ୍ରାଇମବ୍ରାଞ୍ଚ  ତଦନ୍ତ ଜାରି ରହିଛି । ଦିଲ୍ଲୀ ସ୍ଥିତ କେନ୍ଦ୍ର ସରକାର ଫାଇନାନ୍ସିଆଲ୍ ଇନଭେଷ୍ଟିଗେସନ ୟୁନିଟ ଏଫ୍‌ଆଇୟୁକୁ ଅଧିକ ତଥ୍ୟ ଲାଗି ଲେଖିଛି କ୍ରାଇମ ବ୍ରାଞ୍ଚ । ବୋର୍ଡ ଉପସଭାପତି ସମେତ  ୮ ଜଣ ଅଭିଯୁକ୍ତ  କେତେ ସମ୍ପତ୍ତି ରଖିଛନ୍ତି ସେ ତଥ୍ୟ ମାଗିଛି । ଏ ତଥ୍ୟ ମିଳିବ ପରେ   ରିମାଣ୍ଡ ରେ ଆସୁଥିବା ଦୁଇ ଅଭିଯୁକ୍ତଙ୍କୁ ଘେରିବ  କ୍ରାଇମ ବ୍ରାଞ୍ଚ ।  ବୋର୍ଡ ସଭାପତି ଗୁମର  ଖୋଲିବାକୁ ଉଦ୍ୟମ ଚଳାଇଛି ।

ଓଟିଇଟି ପ୍ରଶ୍ନପତ୍ର ଲିକ ଘଟଣାରେ ବୋର୍ଡ ସଭାପତିଙ୍କ ସମ୍ପର୍କକୁ ନେଇ ବଡ ଖୁଲାସା କରିବାକୁ ପ୍ରସ୍ତୁତି ଚଳାଇଛି କ୍ରାଇମ ବ୍ରାଞ୍ଚ। ଗିରଫ ଉପସଭାପତି ନିହାର ମହାନ୍ତି, ଡାଟା ଏଣ୍ଟ୍ରି ଅପରେଟର ଜୀତନ ମହାରଣାଙ୍କ ସମେତ ୮ ଅଭିଯୁକ୍ତଙ୍କ ଆର୍ଥିକ କାରବାର ଖୁଲସା କରିବାକୁ ଦିଲ୍ଲୀର ଫାଇନାନ୍ସିଆଲ୍  ଇନଭେଷ୍ଟିଗେସନ ୟୁନିଟର ସହାୟତା ଲୋଡିଛି ତଦନ୍ତକାରୀ ଏଜେନ୍ସି । ଦିଲ୍ଲୀର ଫାଇନାନ୍ସିଆଲ୍ ଇନଭେଷ୍ଟିଗେସନ ୟୁନିଟକୁ ଏହି ତଥ୍ୟ ମାଗିଛି କ୍ରାଇମବ୍ରାଞ୍ଚ । ଦୁଇ ଅଭିଯୁକ୍ତ ଜୀତନ ମହାରଣା ଓ କ୍ୟାଡ଼ର ଶିକ୍ଷକ ବିଜୟ ମିଶ୍ର ରିମାଣ୍ଡରେ ଆସିବେ । ତେଣୁ ତା ପୂର୍ବରୁ ତଥ୍ୟ ଦେବାକୁ କୁହାଯାଇଛି ।  

ଓଟିଇଟି ପ୍ରଶ୍ନପତ୍ର ଲିକର ଚେର ସାରା ରାଜ୍ୟକୁ ବ୍ୟାପିଛି । ଏହାପଛରେ ଏକ ସିଣ୍ଡିକେଟ କାମ କରୁଥିବା ସ୍ପଷ୍ଟ ହୋଇଛି । ଭାଇରଲ ପଛରେ ଆଉ କେଉଁ ଶିକ୍ଷକ ଅଛନ୍ତି ? ସେମାନଙ୍କ ତାଲିକା କରାଯାଇଛି । ଏହି ଟିମ୍ ସେମାନଙ୍କୁ ଧରିବାକୁ ବିଭିନ୍ନ ଜିଲ୍ଲା ରେ ଜାଲ ବିଛାଇଛି । ଜୀତନ ମହାରଣା ଓ ବିଜୟ ମିଶ୍ର ରିମାଣ୍ଡରେ ଆସିବା ପରେ ଗିରଫ ଉପସଭାପତିଙ୍କୁ ରିମାଣ୍ଡରେ ଆଣି ମୁହାଁମୁହିଁ ପଚରାଉଚରା କରିବ କ୍ରାଇମବ୍ରାଞ୍ଚ ।ଓଟିଇଟି ପ୍ରଶ୍ନପତ୍ର ଲିକରେ  କୋଟି କୋଟି ଟଙ୍କାର କାରବାର ହୋଇଛି , ଶିକ୍ଷକ ନେତା ସାମିଲ ଅଛନ୍ତି ।  ତେଣୁ ଖୁବଶୀଘ୍ର  ଦିଲ୍ଲୀର ଫାଇନାନ୍ସିଆଲ୍  ଇନଭେଷ୍ଟିଗେସନ ୟୁନିଟର ତଥ୍ୟ ମିଳିବା ପରେ ଅଧିକ ଖୁଲାସା କରିବା ଚକ୍କରରେ ରହିଛି କ୍ରାଇମବ୍ରାଞ୍ଚ ।