/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/media_files/2025/08/29/wd-2025-08-29-17-59-27.jpg)
କନକ ବ୍ୟୁରୋ: ଅବଧି ସରଗଲାଣି, ହେଲେ ସରୁନି କୃଷ୍ଣା ସାଗର ପ୍ରକଳ୍ପ । ଅବଧି ସରିବାର ବର୍ଷ ବର୍ଷ ପରେ ବି ଅଧପନ୍ତରିଆ ହୋଇ ପ୍ରକଳ୍ପ ପଡ଼ିଛି । ଅନ୍ୟପଟେ କୃଷ୍ଣାସାଗର ଅପରିଷ୍କାର ହୋଇ ବର୍ଷା ହେଲେ ସେହି ଦୂଷିତ ପାଣି ରାସ୍ତାକୁ ମାଡ଼ି ଆସଛି । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଅନୁଗୁଳ ସହର ବାସୀ ।
ରଙ୍ଗୀନ ଲାଇଟ୍ ଲାଗିବ। ପାଣି ଫୁଆରା ସାଙ୍ଗକୁ ବୋଟିଂ ସୁବିଧା ମିଳିବ । ଏମିତି କେତେ କ’ଣ ସ୍ବପ୍ନ ନେଇ ୩ ବର୍ଷ ତଳୁ ଆରମ୍ଭ ହୋଇଥିଲା ଅନୁଗୁଳ କୃଷ୍ଣା ସାଗର ପ୍ରକଳ୍ପ । ଏଥିପାଇଁ ୨୦୨୨ରେ ଡିଏମ୍ଏଫ୍ରୁ ୧୩ କୋଟି ଟଙ୍କା ବରାଦ କରିଥିଲେ ତତ୍କାଳୀନ ଜିଲ୍ଲାପାଳ । ପଥର ବନ୍ଧ ହେଲା ଷ୍ଟିଲ ପାଚେରୀ ବି ଲାଗିଲା । ବାସ୍ ସେତିକିରେ ଅଟକିଛି କାମ । ଏବେ ଜଳାଶୟର ବାସ୍ତବିକ ସ୍ଥିତି ଆପଣଙ୍କ ସାମନାରେ । ପଙ୍କ ଦଳରେ ଭର୍ତ୍ତି । ପୂର୍ବ ଅପେକ୍ଷା ଅଧିକ ଅପରିଷ୍କାର ହୋଇପଡ଼ିଛି । ଧାର୍ୟ୍ୟଲକ୍ଷ୍ୟର ୨ ବର୍ଷ ପରେ ବି ସରୁନି ପ୍ରକଳ୍ପ ।
୮ଟି ଛୋଟ ସାଗରକୁ ମିଶାଇ କୃଷ୍ଣା ସାଗର ପ୍ରକଳ୍ପ । ସମ୍ପୂର୍ଣ୍ଣ ଜଳାଶୟ ପଙ୍କମୁକ୍ତ ହେବ । ଶୈଳ ଶ୍ରୀକ୍ଷେତ୍ରକୁ ଆସୁଥିବା ପର୍ୟ୍ୟଟକ ମହାପ୍ରଭୁଙ୍କ ଦର୍ଶନ ସହ କ୍ରିଷ୍ଣା ସାଗର କୂଳରେ କିଛି ମୁହୂର୍ତ୍ତ ବିତାଇ ପାରିବେ । ହେଲେ ଏସବୁ ଏବେ ସ୍ବପ୍ନ।
କାହିଁକି କୃଷ୍ଣା ସାଗରର ଏ ଦୁରବସ୍ଥା?
କେବେ ସରିବ ଅନୁଗୁଳବାସୀଙ୍କ ପ୍ରତୀକ୍ଷିତ ପ୍ରକଳ୍ପ?
କିଏ ସାଜିଛି ବାଧକ?
କାହିଁକି ଅଧାରେ ଅଟକିଛି କାମ?
ଅନ୍ୟପଟେ ଅନୁଗୁଳ ନଗରପାଳ କହୁଛନ୍ତି ଯଦି ଜିଲ୍ଲାପାଳ ପ୍ରକଳ୍ପକୁ ପୌରପାଳିକାରେ ସାମିଲ କରିଥାନ୍ତେ ତେବେ କାମ କେବେଠୁ ସରନ୍ତାଣି।