କାହିଁକି ଛାଡୁଛନ୍ତି ଭାରତୀୟ ନାଗରିକତା?

କନକ ବ୍ୟୁରୋ: ଭାରତୀୟ ନାଗରିକତ୍ୱ ଛାଡ଼ିବା ଏବେ ଏକ ବଡ଼ ଚିନ୍ତାର ବିଷୟ ପାଲଟିଛି । ଗତ କିଛି ବର୍ଷ ହେଲା ବାର୍ଷିକ ପ୍ରାୟ ୨ ଲକ୍ଷରୁ ଅଧିକ ଭାରତୀୟ ନିଜ ଦେଶର ନାଗରିକତ୍ୱ ଛାଡ଼ି ବିଦେଶରେ ବାସ କରୁଛନ୍ତି । ସରକାରୀ ରିପୋର୍ଟ ଅନୁଯାୟୀ, ଅଧିକାଂଶ ଭାରତୀୟ ଆମେରିକା, କାନାଡା, ଅଷ୍ଟ୍ରେଲିଆ ଏବଂ ବ୍ରିଟେନ ଭଳି ବିକଶିତ ଦେଶର ନାଗରିକତ୍ୱ ଗ୍ରହଣ କରୁଛନ୍ତି। ବୃତ୍ତିଗତ ସଫଳତା, ଉତ୍ତମ ଜୀବନଶୈଳୀ ଏବଂ ପରିବାରର ସୁରକ୍ଷିତ ଭବିଷ୍ୟତ ପାଇଁ ଅନେକ ଯୁବକ ଓ ବ୍ୟବସାୟୀଦେଶ ଛାଡୁଥିବା କୁହାଯାଉଛି ।

Advertisment

ଆହୁରି ପଢ଼ନ୍ତୁ : ହୋ ହଲ୍ଲା ଭିତରେ 'ଭିବି-ଜି ରାମ-ଜି' ବିଲ୍‌ ଗୃହୀତ: ବିରୋଧୀ ଚିରିଲେ ବିଲ୍

କାହିଁକି ଭାରତୀୟମାନେ ନାଗରିକତ୍ୱ ଛାଡୁଛନ୍ତି?

ବିଦେଶରେ ଉନ୍ନତ ସ୍ୱାସ୍ଥ୍ୟସେବା, ଶିକ୍ଷା ଏବଂ ଭଲ ଭିତ୍ତିଭୂମିର ସୁବିଧା
ଭାରତ ତୁଳନାରେ ଅଧିକ ଦରମା ଏବଂ ଅଧିକ ବ୍ୟାବସାୟିକ ସୁଯୋଗ
ଭାରତୀୟ ସମ୍ବିଧାନରେ ଦ୍ୱୈତ ନାଗରିକତ୍ୱର ବ୍ୟବସ୍ଥା ନାହିଁ
ତେଣୁ ବିଦେଶୀ ପାସପୋର୍ଟ ନେବା ପାଇଁ ଭାରତୀୟ ନାଗରିକତ୍ୱ ଛାଡ଼ିବାକୁ ପଡ଼େ
ଶକ୍ତିଶାଳୀ ଦେଶର ପାସପୋର୍ଟ ଦ୍ୱାରା ବିଶ୍ୱର ଅଧିକାଂଶ ଦେଶକୁ ବିନା କୌଣସି ବାଧାରେ ଯାତ୍ରା କରିହୁଏ
ବିଦେଶରେ ସରକାରଙ୍କ ପକ୍ଷରୁ ମିଳୁଥିବା ସାମାଜିକ ନିରାପତ୍ତା ଓ ବୀମା ବ୍ୟବସ୍ଥା ଅତି ଉନ୍ନତ
ସ୍ୱଚ୍ଛ ପରିବେଶ ଏବଂ ପ୍ରଦୂଷଣମୁକ୍ତ ଜୀବନ ପାଇଁ ଅନେକ ଲୋକ ବିଦେଶମୁହାଁ
ପିଲାମାନଙ୍କୁ ବିଶ୍ୱସ୍ତରୀୟ ଶିକ୍ଷା ଏବଂ ରୋଜଗାର ବ୍ୟବସ୍ଥା ସହ ଯୋଡ଼ିବା ପାଇଁ ଅଭିଭାବକଙ୍କ ନିଷ୍ପତ୍ତି
କେତେକ କ୍ଷେତ୍ରରେ ବିଦେଶର ସରଳ ଟିକସ ନୀତି ମଧ୍ୟ ବ୍ୟବସାୟୀମାନଙ୍କୁ ଆକର୍ଷିତ କରୁଛି