କନକ ବ୍ୟୁରୋ: ୨୦୨୪ରେ ବିରାଟ ରାଜନୈତିକ  ପରିବର୍ତନ ହେଲା, ଅପ୍ରତ୍ୟାଶିତ ଭାବେ ବିରୋଧୀରୁ ସିଧା ଶାସକ ଦଳରେ ବସିଥିଲା ବିଜେପି । ହେଲେ ସରକାରକୁ ଆସିବା ପରେ ଲମ୍ୱା ରେସର ଘୋଡା ବନିବା ପାଇଁ ମେଗା ପ୍ଲାନ  ପ୍ରସ୍ତୁତ କରିଛି ବିଜେପି । କାରଣ  ନରେନ୍ଦ୍ର ମୋଦି ଓ ଅମିତ ଶାହାଙ୍କ ପୁରା ଫୋକସରେ ଓଡିଶା । ୨୦୨୫ ପ୍ରାରମ୍ଭରୁ  ଓଡିଶା ବିଜେପି ସଂଗଠନର  ନବକଳେବର ହେବାକୁ ଯାଉଛି । ତୃଣମୂଳଠାରୁ ରାଜ୍ୟ ସ୍ତରୀୟ ସଂଗଠନର ଆମୁଳଚୂଳ ପରିବର୍ତନ କରି ୨୦୨୫ରରୁ ୨୦୨୯ର ବ୍ଲୁ ପ୍ରିଂଟ ପ୍ରସ୍ତତ କରୁଛି ଦଳ ।  କ୍ଷମତାରେ ଥିଲେ ବି ବିଜେପି ପାଇଁ ଆନେକ ଚ୍ୟାଲେଂଜ ରହିବ ।

Advertisment

୨୦୨୪ ଆରମ୍ଭରୁ ବିଜେଡି ଶିବିରରେ ଅନେକ ଉତ୍ସାହ ଥିଲା । ହେଲେ ନିର୍ବାଚନର ଫଳାଫଳ ବିଜେଡିର ସବୁ ସ୍ୱପ୍ନକୁ ଧୂଳିସାତ କରିଦେଇଥିଲା । ହାରିବା ପରେ ଦଳର ନେତା ଓ ନେତୃତ୍ୱକୁ ନେଇ ନିଇତି ଅନେକ ପ୍ରଶ୍ନ ଛିଡା କରୁଛନ୍ତି ବିଜେଡି ନେତା । ଦଳର ଆଭିମୁଖ୍ୟକୁ ନେଇ ବିରାଟ ପ୍ରଶ୍ନବାଚୀ ସୃଷ୍ଚି ହୋଇଛି । ରାଜ୍ୟରେ ବିଜେପିକୁ ବିରୋଧ, କେନ୍ଦ୍ର ପ୍ରତି କିନ୍ତୁ କୋହଳ ଆଭିମୁଖ୍ୟ ନେଇ ଦୋଛକିରେ ନେତା ।  ସଂକଟ ଭିତରେ ଗତି କରୁଥିବା ବିଜେଡି ପାଇଁ ୨୦୨୫ ପାଇଁ ଅତ୍ୟନ୍ତ ଗୁରୁତ୍ବପୂର୍ଣ୍ଣ ରହିବ ଓ ଆହ୍ବାନମୂଳକ ପରିସ୍ଥିତି ସୃଷ୍ଟି କରିବ । 

ସେପଟେ ନିର୍ବାଚନରେ ହାରିବା ପରେ ନେତୃତ୍ବ ସଙ୍କଟରେ ଗତିକରୁଛି କଂଗ୍ରେସ । ୬ ମାସ ହେଲା ଦଳର ମଙ୍ଗୁଆଳ ନାହାନ୍ତି । ଦିଲ୍ଲୀ ଦୌଡି ଦୌଡି ନୟାନ୍ତ ହେଲେଣି  କଂଗ୍ରେସ ନେତା । ଯୁବ ଓ ଛାତ୍ର ସଙ୍ଗଠନରେ ସୀମିତ ରହିଛି କଂଗ୍ରେସ । ରାଜ୍ୟରେ କଂଗ୍ରେସ ବିଜେପି, ବିଜେଡିକୁ ଚେକ ଦେବାରେ ବିଫଳ ହୋଇଛି । ନୂଆ ପିସିସି ସଭାପତିଙ୍କୁ ମୈଦାନକୁ ଆଣି ୨୦୨୫ରେ ସଙ୍ଗଠନକୁ ସଜାଡିବା ଲକ୍ଷ୍ୟରେ ଅଛନ୍ତି ରାହୁଲ ଗାନ୍ଧି ।

ତେବେ ସବୁ ରାଜନୈତିକ ଦଳ ପାଇଁ  ଏଜେଣ୍ଡା ସେଟ କରିବ ୨୦୨୫ । କାରଣ ଏହା ପରେ ପରେ ଆସୁଛି ପୌର ଓ ପଂଚାୟତ ନିର୍ବାଚନ । ସଙ୍ଗଠନକୁ ଟ୍ରାକକୁ ଆଣି କେମିତି ଦମ ଦେଖାଉଛନ୍ତି ୩ ପ୍ରମୁଖ ଦଳ ତା ଉପରେ ସମସ୍ତଙ୍କ ନଜର ରହିଛି ।