କିଏ ହେବ ପରବର୍ତ୍ତୀ ମହିଳା କମିଶନ? ବିଜେପି ଶିବିରରେ ଅନେକ ଆଶାୟୀ । କିଏ ହେବେ ଥଇଥାନ?

କନକ ବ୍ୟୁରୋ: ମିନତି ବେହେରା ମହିଳା କମିଶନ ଅଧ୍ୟକ୍ଷା ପଦରୁ ବିଦା ହେବା ପରେ ଏବେ ନୂଆ ନିଯୁକ୍ତିକୁ ନେଇ ଚର୍ଚ୍ଚା ଆରମ୍ଭ ହୋଇଛି । ବିଜେପି ଶିବିରରେ ଅନେକ ଆଶାୟୀଙ୍କ ନାଁ ସାମ୍ନାକୁ ଆସିଛି । ଏପଟେ ଖୁବଶୀଘ୍ର ନୂଆ ନିଯୁକ୍ତି ହେବ ବୋଲି ଉପମୁଖ୍ୟମନ୍ତ୍ରୀଙ୍କ ବୟାନ ପରେ ଲବି ବି ବଢିଛି ।

• କିଏ ହେବ ପରବର୍ତ୍ତୀ ମହିଳା କମିଶନ?
• ବିଜେପି ଶିବିରରେ ଅନେକ ଆଶାୟୀ
• କିଏ ହେବେ ଥଇଥାନ?

ବିବାଦ ମଧ୍ୟରେ ମହିଳା କମିଶନ ଅଧ୍ୟକ୍ଷା ମିନତି ବେହେରାଙ୍କୁ ରାଜ୍ୟ ସରକାର ବିଦା କରିବା ପରେ ଏବେ ନୂଆ ମହିଳା କମିଶନଙ୍କୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଏହା ଏକ ରାଜନୈତିକ ପଦବୀ ହୋଇଥିବାରୁ କିଏ ଥଇଥାନ ହେବେ ସେ  ନେଇ ବିଜେପି ସରକାର ବିଚାରବିମର୍ଷ ପ୍ରକ୍ରିୟା ଆରମ୍ଭ କରିଦେଇଛନ୍ତି । ଉପମୁଖ୍ୟମନ୍ତ୍ରୀ ଖୁବଶୀଘ୍ର ଏହି ପଦବୀ ପୂରଣ ହେବ ବୋଲି କହିବା ପରେ ଆଶାୟୀଙ୍କ ସଂଖ୍ୟା ବି ବଢିଯାଇଛି ।  

• ଲବିରେ ବିଜେପିର ପ୍ରମୁଖ ନାରୀନେତ୍ରୀ
• କାହା ନାଁରେ ବାଜିବ ମୋହର?

ମହିଳା କମିଶନ ଅଧ୍ୟକ୍ଷା ପଦ ପାଇଁ ବିଜେପିରେ ଅନେକ ଆଶାୟୀ ଅଛନ୍ତି । ପ୍ରମୁଖ ଦାବିଦାରଙ୍କ ମଧ୍ୟରେ ଅଛନ୍ତି…

ସୁକେଶୀ ଓରାମ, ବିଜେପି ରାଜ୍ୟ ଉପସଭାପତି

• ସୁକେଶୀ ଜାତୀୟ ମହିଳା କମିଶନର ସଦସ୍ୟା ରହିସାରିଛନ୍ତି
• ରାଜ୍ୟ ବିଜେପିର ଜଣେ ମହିଳା ଆଦିବାସୀ ଚେହେରା

ଡାକ୍ତର ଐଶ୍ୱର୍ଯ୍ୟା ବିଶ୍ୱାଳ, ରାଜ୍ୟ ମହିଳା ମୋର୍ଚ୍ଚା ଉପସଭାପତି

• ପେଶାରେ ଡାକ୍ତର
• ଅନେକ ଦିନ ରାଷ୍ଟ୍ରୀୟ ମହିଳା ମୋର୍ଚ୍ଚାର ସମ୍ପାଦିକା ରହିଥିଲେ

ପିଙ୍କି ପ୍ରଧାନ, ବିଜେପି ନେତ୍ରୀ

• ଓଲିଉଡର ଏହି ଅଭିନେତ୍ରୀ ବିଜେପିରେ ବହୁଦିନ ହେଲା ସକ୍ରିୟ
• ଦିଗପହଣ୍ଡିରେ ୨୦୧୯ରେ ପ୍ରାର୍ଥୀ ହୋଇଥିଲେ
• ମହିଳା ମୋର୍ଚ୍ଚା ଉପସଭାପତି, ରାଜ୍ୟ ସମ୍ପାଦିକା ଓ ରାଜ୍ୟ ବିଜେପିର ଷ୍ଟାର କ୍ୟାମ୍ପେନର ରହିଆସିଛନ୍ତି

ସ୍ମୃତି ପଟ୍ଟନାୟକ, ବିଜେପି ନେତ୍ରୀ

• ବିଜେପି ମହିଳା ମୋର୍ଚ୍ଚାର ପୂର୍ବତନ ସଭାପତି
• କଟକର ଜଣେ ଜଣାଶୁଣା ସଙ୍ଗଠକ

ନୂଆ ସରକାର ଗଠନର ୬ ମାସ ପୂରିଯାଇଥିବାରୁ ଖୁବଶୀଘ୍ର ନିଗମ ଗୁଡିକରେ ନେତାଙ୍କୁ ଥଇଥାନ କରିବେ ସରକାର । ତା ସହ ନୂଆ ମହିଳା କମିଶନ ବି ନିଯୁକ୍ତି ହେବେ ବୋଲି ଚର୍ଚ୍ଚା ଚାଲିଛି ।