କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜାପାନ ଗସ୍ତ କ୍ରମରେ ଜଣେ ଭାରତୀୟ ମହିଳା ସବୁଠାରୁ ଅଧିକ ଖୁସି ହୋଇଛନ୍ତି । ତାଙ୍କ ଖୁସିର କାରଣ ହେଉଛି ସେ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭେଟିବାର ସୁଯୋଗ ପାଇବେ । ଏ କୌଣସି ସାଧାରଣ ମହିଳା ନୁହଁନ୍ତି ବରଂ ଟୋକିଓରେ ସବୁଠୁ ପରିଚିତ ଚା' ବିକାଳି । ଏବେ ଆସନ୍ତୁ ଜାଣିବା ଏହି ମହିଳା ଚା' ବିକାଳିଙ୍କର ଭାରତ ସହ କ'ଣ ରହିଛି ସମ୍ପର୍କ । 

Advertisment

ଏକ ଜାତୀୟ ଗଣମାଧ୍ୟ ସହ କଥା ହେବା ବେଳେ ମହିଳା ଜଣଙ୍କ କହିଛନ୍ତି କି, ତାଙ୍କ ନାମ ବେଲା ଚନ୍ଦ୍ରାଣୀ । ସେ ୧୯୭୭ ରେ ଜାପାନ ଆସିବା ପରେ ଏଠାରେ ଚା ବିକ୍ରି କରୁଛନ୍ତି । ଏହି ମହିଳାଙ୍କ କାହାଣୀ ବେଶ୍ ରୋଚକ । ସେ ପ୍ରଥମେ ଭାରତୀୟ ଦୂତାବାସରେ ଚାକିରି କରୁଥିଲେ । ହେଲେ ଏଥିରେ ସେ ଶାନ୍ତି ଅନୁଭବ କରୁନଥିଲେ । ଶେଷରେ ଚାକିରି ଛାଡି ଟୋକିଓରେ ଚା ବ୍ୟବସାୟ କରିବା ଆରମ୍ଭ କରିଥିଲେ । ଆଜି ସେ ଟୋକିଓରେ ଜଣେ ଜଣାଶୁଣା ନାମ । ତାଙ୍କ ଚା ସ୍ଥାନୀୟ ଓ ଭାରତୀୟ ଲୋକଙ୍କ ଭିତରେ ବେଶ ଆଦୃତ । 

ବେଲା କହିଛନ୍ତି, ଜାପାନରେ ରହିବାର ତାଙ୍କୁ ୪୭ ବର୍ଷ ହୋଇଗଲାଣି । ୪୨ ବର୍ଷ ଧରି ସେ ଟୋକିଓରେ ଚା' ବିକ୍ରି କରୁଛନ୍ତି । ଭାରତରେ ପ୍ରଧାନମନ୍ତ୍ରୀଙ୍କୁ ଭେଟିବା କଷ୍ଟକର, ତେଣୁ ସେ ଯେବେ ବି ଜାପାନ ଆସୁଛନ୍ତି ମୁଁ ତାଙ୍କୁ ଭେଟିବାର ସୁଯୋଗ ପାଉଥିବା କଥା କହି ଖୁସି ଅନୁଭବ କରିଛନ୍ତି ବେଲା । ସୂଚନା ଥାଉକି ପ୍ରଧାନମନ୍ତ୍ରୀ ମୋଦୀ ୧୫ ତମ ଭାରତ-ଜାପାନ ବାର୍ଷିକ ସମ୍ମିଳନୀରେ ଭାଗ ନେବାକୁ ଜାପାନ ଗସ୍ତ କରିଛନ୍ତି ।