କେବେ ସୁଧୁରିବ ଡାଇରିଆ ସ୍ଥିତି ? କଟକ ମାହାଙ୍ଗାରେ ମୃତ୍ୟୁ , ସେପଟେ ସୁଧୁରୁଛି ଯାଜପୁରର ସ୍ଥିତି

କନକବ୍ୟୁରୋ : ଯାଜପୁର ରୋଡ଼ରେ ବ୍ୟାପିଥିବା ଝାଡ଼ାବାନ୍ତି ସ୍ଥିତିରେ ଧୀରେ ଧୀରେ ସୁଧାର ଆସିଲାଣି  ।  ଆଜି ସକାଳୁ ଯାଜପୁର ରୋଡ ମେଡ଼ିକାଲରେ ନୂଆ ୨ଜଣ ଆକ୍ରାନ୍ତ ଆସିଥିବା ବେଳେ ମୋଟ ଏବେ ୧୧ଜଣ ଚିକିତ୍ସାଧିନ ଅଛନ୍ତି  ।  ସେହିପରି ସୁକିନ୍ଦାରେ ୧୪ଜଣ ଚିକିତ୍ସାଧିନ ଥିବାବେଳେ ନୂଆ ଆକ୍ରାନ୍ତ କେହି ଆସିନାହାଁନ୍ତି   ।  ସେପଟେ ଦାନଗଦିରେ ରାତି ସୁଧା ୧୩ ନୂଆ ଆକ୍ରାନ୍ତ ଆସିଥିବା ବେଳେ ୧୨ଜଣ ଆକ୍ରାନ୍ତ ଚିକିତ୍ସା ହୋଇ ଫେରିଯାଇଛନ୍ତି   । ଏବେ ବି ୧୩ଜଣ ଚିକିତ୍ସାଧିନ ଅଛନ୍ତି ।  ଅବସ୍ଥାରେ ଧୀରେ ଧୀରେ ସୁଧାର ଆସୁଥିବା ପରିଲିଖିତ ହୋଇଛି   ।