ସେମିକଣ୍ଡକ୍ଟର କ'ଣ? ଭାରତରେ ଆସିଛି ସେମିକଣ୍ଡକ୍ଟର ବିପ୍ଳବ

କନକ ବ୍ୟୁରୋ : ଭାରତରେ ଆସିଛି ସେମିକଣ୍ଡକ୍ଟର ବିପ୍ଳବ । ପ୍ରାରମ୍ଭିକ ଦିନରେ କମ୍ପ୍ୟୁଟରଗୁଡ଼ିକ ବିଶାଳ ମେସିନ୍ ଥିଲା । ଯାହା ପ୍ରାୟତଃ ଗୋଟିଏ କୋଠରିକୁ ଅଧିକାର କରୁଥିଲା । ହଜାର ହଜାର ଭାକ୍ୟୁମ ଟ୍ୟୁବ୍‌ ଦ୍ୱାରା ଚାଲୁଥିଲା ଏବଂ ‘ଅନ୍-ଅଫ୍’ ସ୍ୱିଚ୍ ପରି କାମ କରୁଥିଲା । ଯାହାକି ପୁରୁଣା ଟେଲିଫୋନ୍ ଏକ୍ସଚେଞ୍ଜ ପରି ଦେଖାଯାଉଥିଲା । କିନ୍ତୁ ବର୍ତ୍ତମାନ ସମୟରେ ଆପଣଙ୍କ ନଖଠାରୁ ଛୋଟ ଏକ ଚିପ୍ ଭିତରେ ଅଧିକ ଶକ୍ତି ରହିଛି, ଯାହା କୋଟିକୋଟି ଟ୍ରାନଜିଷ୍ଟର ଦ୍ୱାରା ଚାଳିତ । ଏହି ଚିପ୍‌ଗୁଡ଼ିକ ଆପଣଙ୍କ ମୋବାଇଲ୍ ଫୋନ୍, କାର, ଟ୍ରେନ୍, ଫ୍ରିଜ୍, ଟିଭି, ସ୍କୁଟି, ଫ୍ୟାକ୍ଟ୍ରି, ମେସିନ୍, ବିମାନ ଏବଂ ମହାକାଶରେ ଥିବା ସାଟେଲାଇଟଗୁଡ଼ିକୁ ଚଳାଇଥାଏ । ଏହା ଏତେ ଛୋଟ ଯେ, ଏକ ସ୍ମାର୍ଟ ମୁଦି ମାଧ୍ୟମରେ ଆପଣଙ୍କ ଆଙ୍ଗୁଠିରେ ରହି ଆପଣଙ୍କ ହୃଦୟର ସ୍ୱାସ୍ଥ୍ୟାବସ୍ଥାକୁ ଟ୍ରାକ୍ କରିପାରୁଛି । ଏହା ହେଉଛି ସେମିକଣ୍ଡକ୍ଟରର ଯାଦୁ । ତେବେ କଣ ଏହି ସେମିକଣ୍ଡକ୍ଟର ଓ ଏହା କିପରି କାମ କରେ ଆସନ୍ତୁ ଜାଣିବା ।

ସେମିକଣ୍ଡକ୍ଟର କ'ଣ?
ସେମିକଣ୍ଡକ୍ଟର ସାଧାରଣତଃ ସିଲିକନରୁ ତିଆରି ଏକ ଚିପ୍
ଏକ ଛୋଟ ଇଲେକ୍ଟ୍ରୋନିକ୍‌ ଉପକରଣ ପରି କାମ କରେ
ଏହାର ବ୍ୟବହାର କମ୍ପ୍ୟୁଟର, ଲାପଟପ୍, ସ୍ମାର୍ଟଟିଭିରେ ହୋଇଥାଏ
ମୋବାଇଲ ଫୋନ୍‌, ଗାଡ଼ି, ଇଲେକ୍ଟ୍ରୋନିକ୍ସ ଓ ଇଲେକ୍ଟ୍ରିକାଲ ଗ୍ୟାଜେଟରେ ବ୍ୟବହାର ହୁଏ
ଡିଜିଟାଲ କ୍ୟାମେରା, ଯୋଗାଯୋଗ ଉପକରଣ, ଟ୍ରେନ୍‌ ଏବଂ ଏଟିଏମ୍‌ କାର୍ଡରେ ଅଛି ସେମିକଣ୍ଡକ୍ଟର
ଏହା ଡିଜିଟାଲ ଡିଭାଇସର ନିୟନ୍ତ୍ରଣ ଏବଂ ମେମୋରିକୁ ପରିଚାଳନା କରେ
ଏହା ଇଲେକ୍ଟ୍ରୋନିକ ସର୍କିଟର ମୌଳିକ ବିଲ୍ଡିଂ ବ୍ଲକ୍‌ ଭାବେ କାମ କରେ
ଏକ ନଖଠାରୁ ମଧ୍ୟ ଛୋଟ ଚିପରେ ଲକ୍ଷାଧିକ ମାଇକ୍ରୋସ୍କୋପିକ ସ୍ୱିଚ୍‌ ରହିପାରେ
ଡାଟାର ଦ୍ରୁତ ପ୍ରୋସେସିଂ ଓ ସଂଗ୍ରହ ସହିତ ଏଆଇ ଏବଂ ମେସିନ ଲର୍ଣ୍ଣିଂ ପାଇଁ ସେମିକଣ୍ଡକ୍ଟର ଆବଶ୍ୟକ
ବିଶ୍ୱବ୍ୟାପୀ ଏବେ ସେମିକଣ୍ଡକ୍ଟର ବଜାର ଦ୍ରୁତଗତିରେ ବଢୁଛି
ସେମିକଣ୍ଡକ୍ଟର ଉତ୍ପାଦନରେ ତାଇୱାନ, ଦକ୍ଷିଣ କୋରିଆ ଏବଂ ଆମେରିକା ଆଗରେ ଅଛନ୍ତି 
୨୦୨୬ ସୁଦ୍ଧା ଭାରତରେ ଏହାର ବଜାର ୮, ୦୦୦ କୋଟି ଡଲାର ହେବ