ପ୍ରତିଦିନ ୨ଟି କଦଳୀ ଖାଇଲେ କ’ଣ ହୋଇଥାଏ ? ଜାଣନ୍ତୁ କି କି ଲାଭ ଶରୀରକୁ ମିଳିଥାଏ

କନକ ବ୍ୟୁରୋ :  ଉତ୍ତମ  ସ୍ବାସ୍ଥ୍ୟ ପାଇଁ  ଉତ୍ତମ ଖାଦ୍ୟ ମଧ୍ୟ ଶୀରରକୁ ଆବଶ୍ୟକ ।  ଆଜି ଆମେ ଆପଣଙ୍କ ଶୀରର ପାଇଁ କଦଳୀ  କେତେ ଉପକାରୀ  ସେ ସମ୍ପର୍କରେ କହିବୁ । ସୁବଦିନ ଦୁଇଟି କଦଳୀ ଖାଇବା ଦ୍ବାରା  ଶରୀର ପାଇଁ ବହୁତ ଲାଭ ହୋଇଥାଏ ।  ଏହା କେବଳ  ଆପଣଙ୍କ ପେଟ ଭରିନଥାଏ ବରଂ  ଏହା ଖାଇବା ଦ୍ବାରା ଶୀରରକୁ ଅନେକ ପ୍ରକାରର ଲାଭ  ମିଳିଥାଏ ।  

ଅଧ୍ୟୟନ କଣ କହୁଛି

ନ୍ୟାସନାଲ ଲାଇବ୍ରେରୀ ଅଫ୍‌ ମେଡିସିନ୍‌ ଦ୍ବାରା କରଯାଇଥିବା ଅଧ୍ୟୟନ ଅନୁସାରେ, କଦଳୀରେ ଫେନୋଲିକ ଏସିଡ୍‌ ଏବଂ ଫ୍ଲାଭୋନଏଡ୍ସ ବାୟୋଏକ୍ଟିଭ୍‌ ପରି ଜୈବିକ ଭରପୁର ମାତ୍ରାରେ ରହିଥାଏ । ଏହି ଯୌଗିକଗୁଡ଼ିକରେ ଶକ୍ତିଶାଳୀ ଆଣ୍ଟିଅକ୍ସିଡାଣ୍ଟ ଏବଂ ଆଣ୍ଟିରାଡିକାଲ୍ ଗୁଣ ଅଛି ଯାହା ଶରୀରକୁ ଅକ୍ସିଡେଟିଭ୍ ଚାପରୁ ରକ୍ଷା କରିବାରେ ସାହାଯ୍ୟ କରେ । କଦଳୀରେ ଥିବା କିଛି ଫେନୋଲିକ୍ସ ଆଣ୍ଟିଭାଇରାଲ୍, ଆଣ୍ଟି-ଇଫ୍ଲେମେଟରୀ, ଆଣ୍ଟିବ୍ୟାକ୍ଟେରିଆଲ୍, ଆଣ୍ଟି-ଡାଇବେଟିକ୍ ଏବଂ ଆଣ୍ଟି-କର୍କଟ ପ୍ରଭାବ ଦେଖାଏ । ଏହା ବ୍ୟତୀତ ମେଦବହୁଳତା, ଉଚ୍ଚ ରକ୍ତଚାପ ଏବଂ କର୍କଟ ଭଳି ଅବସ୍ଥା ସହିତ ଜଡିତ ଏନଜାଇମଗୁଡ଼ିକୁ ବାଧା ଦେଇଥାଏ । 

ହାର୍ଟକୁ ସୁସ୍ଥ ରଖିଥାଏ କଦଳୀ

ପୋଟାସିୟମ ହାର୍ଟ ପାଇଁ ବହୁତ ଭଲ । ଯାହା କଦଳୀରେ ଭରପୁର ମାତ୍ରାରେ ରହିଥାଏ ।  ଏହି ଅତ୍ୟାବଶ୍ୟକୀୟ ଖଣିଜ ପଦାର୍ଥ ଆପଣଙ୍କ ରକ୍ତଚାପକୁ ସନ୍ତୁଳିତ କରିବାରେ ସାହାଯ୍ୟ କରେ ଯାହା ଫଳରେ ଆପଣଙ୍କ ହୃଦୟକୁ ଅଧିକ ପରିଶ୍ରମ କରିବାକୁ ପଡ଼ିନଥାଏ । ଯେତେବେଳେ  ହୃଦୟ ଶାନ୍ତ ଥାଏ,  ସେତେବେଳେ ତୁମେ ଅଧିକ ଉର୍ଜା  ଅନୁଭବ  କରିଥାଅ । 

ସ୍ମୋକିଙ୍ଗ ଛାଡିବାରେ ସାହାଯ୍ୟ କରେ କଦଳୀ

କଣ  ଆପଣ ସ୍ମୋକିଙ୍ଗ ଛାଡିବାକୁ ଚେଷ୍ଟା କରୁଛନ୍ତି  ?  କଦଳୀ  ଏଥିରେ ଆପଣଙ୍କୁ ସାହାଯ୍ୟ କରିପାରିବ ।  କଦଳୀରେ ଭିଟାମିନ୍ ଏବଂ ଖଣିଜ ପଦାର୍ଥର ମିଶ୍ରଣ ଯୋଗୁ ନିକୋଟିନ୍ ଲାଳସାକୁ ହ୍ରାସ କରିବାରେ ସାହାଯ୍ୟ କରିପାରେ । 

ପ୍ରାକୃତିକ ଶକ୍ତି ବୃଦ୍ଧି କରେ 
ଆପଣଙ୍କୁ ତୁରନ୍ତ ଶକ୍ତି ଆବଶ୍ୟକ କି?  କଦଳୀରେ ପ୍ରାକୃତିକ ଚିନି ଥାଏ, ଯେଉଁଥିରେ ଆପଣଙ୍କୁ  ଇନ୍‌ଷ୍ଟାଣ୍ଟ  ଏନର୍ଜି ମିଳିଥାଏ।  

ଆପଣଙ୍କ ମନୋବଳକୁ ଉନ୍ନତ କରିଥାଏ
କଣ ଆପଣ ଚାପଗ୍ରସ୍ତ ଏବଂ ଉଦାସ  ଅନୁଭବ କରୁଛନ୍ତି କି  ? ଏହାର କାରଣ ଆଇରନ୍‌ ଅଭାବ ହୋଇଥାଇପାରେ । କଦଳୀରେ ପ୍ରଚୁର ଆଇରନ ଥାଏ ଯାହା ଆପଣଙ୍କ ଶରୀରକୁ ଅଧିକ ଲାଲ ରକ୍ତ କଣିକା ତିଆରି କରିବାରେ ସାହାଯ୍ୟ କରେ  । ଯାହା ଆପଣଙ୍କୁ ଶକ୍ତିଶାଳୀ କରିଥାଏ ।