କନକ ବ୍ୟୁରୋ : କଳା, ସଂସ୍କୃତି ଓ ଭାଇଚାରାର ପର୍ବ ନୂଆଁଖାଇ । ଆଉ ଦିନକ ପରେ ପଶ୍ଚିମ ଓଡିଶାର ଗଣପର୍ବ । ଗାଁରେ ଶୁଭିଲାଣି କଟୁଆଳର ରଡି । ଧୀରେ ଧୀରେ ଲୋପ ପାଇବକୁ ବସିଲାଣି କଟୁଆଳ ପରମ୍ପରା ନୂଆଖାଇର ଅନେକ ପରମ୍ପରା ମଧ୍ୟରୁ ନିଆରା ପରମ୍ପରା ହେଉଛି କଟୁଆଳ ପରମ୍ପରା । ଯେଉଁ ପରମ୍ପରା ଏବେ ଧୀରେ ଧୀରେ ଲୋପ ପାଇବାକୁ ବସିଲାଣି  । ଏହି ପରମ୍ପରା ଅନୁଯାଇ ଗାଁର ଯିଏ କଟୁଆଳ ରହିଥାନ୍ତି ସେ ପାରମ୍ପରିକ ବେଶରେ ହାତରେ ବାଜା ନେଇ ନୂଆଖାଇର ଗୋଟିଏ ଦିନ ପୂର୍ବରୁ ନୂଆଖାଇର ଲଗ୍ନ ଏବଂ ସମୟ ସମସ୍ତ ଗାଁ ଲୋକଙ୍କୁ ଅବଗତ କରାଇଥାନ୍ତି । କଟୁଆଳ ଦେଇଥିବା ସମୟ ଅନୁସାରେ ସମମ୍ତେ ନୂଆଖାଇ ଦିନ ନୂଆ ଖାଇଥାନ୍ତି । କଟୁଆଳଙ୍କୁ ଏହି ସମୟ ବା ଲଗ୍ନ ଗାଁ ଗଉଁଟିଆ ପ୍ରଦାନ କରିଥାନ୍ତି । କଟୁଆଳ ଏହି କାର୍ୟ୍ୟ କରିବ ପାଇଁ ତାଙ୍କୁ ଗାଁର ପ୍ରତି ଘରୁ ଚାଉଳ, କପଡା ବା ଟଙ୍କା ପ୍ରଦାନ କରାଯାଇଥାଏ । ହେଲେ ସମୟ ବଦଳିଲାଣି ଆଉ ଧୀରେ ଧୀରେ ଏହି ପରମ୍ପରା ଲୋପ ପାଇବାକୁ ବସିଲାଣି ହେଲେ ଆଜି ବି ସୁନ୍ଦରଗଡ ଜିଲ୍ଲା କୁତ୍ରା ବ୍ଲକ ତୁନୁମୁରା ଗାଁରେ ଏହି ପରମ୍ପରା ବଂଚି ରହିଛି । ଦେଖନ୍ତୁ ଗାଁ କଟୁଆଳ କିଭଳୀ ବାଜା ବଜାଇ ଗାଁର ପ୍ରଜା ମାନଙ୍କୁ ନୂଆଖାଇ ଲଗ୍ନ ଉପରେ ଅବଗତ କରୁଛନ୍ତି । ତୁନମୁରା ଗାଁରୁ ଅଧିକ ସୂଚନା ଦେଉଛନ୍ତି ଆମ ପ୍ରତିନିଧି ଦେବାଶିଷ କବି ।