କନକ ବ୍ୟୁରୋ : ପଶ୍ଚିମବଙ୍ଗରେ ରାଜ୍ୟପାଳ ଥିବା ସିିବି ଆନନ୍ଦ ବୋଷ ଆଜି ପଦରୁ ଇସ୍ତଫା ଦେଇଛନ୍ତି । ତାଙ୍କ ଇସ୍ତଫାର କାରଣ ସ୍ପଷ୍ଟ ହୋଇନାହିଁ । ଇସ୍ତଫା ଦେବା ପରେ ସେ ତୁରନ୍ତ ଦିଲ୍ଲୀ ଯାଇଛନ୍ତି । ସିବି ଆନନ୍ଦ ବୋଷ ୩.୫ ବର୍ଷ ହେବ ପଶ୍ଚିମବଙ୍ଗର ରାଜ୍ୟପାଳ ଥିଲେ । ଇସ୍ତଫା ଦେବା ପରେ ସେ ଜାତୀୟ ଗଣମାଧ୍ୟମକୁ କହିଛନ୍ତି କି, ରାଜଭବନରେ ସେ ପର୍ଯ୍ୟାପ୍ତ ସମୟ ବିତାଇ ସାରିଛନ୍ତି । 

Advertisment

ସିବି ଆନନ୍ଦ ବୋଷ ନଭେମ୍ବର ୧୭ ୨୦୨୨ ମସିହାରେ ପଶ୍ଚିମବଙ୍ଗର ରାଜ୍ୟପାଳ ଭାବେ ନିଯୁକ୍ତ ହୋଇଥିଲେ । ତାଙ୍କ ପୂର୍ବରୁ ମଣିପୁରର ତକ୍ରାଳୀନ ରାଜ୍ୟପାଳ ଲା ଗଣେଶନ ଅତିରିକ୍ତ ଭାବେ ପଶ୍ଚିମବଙ୍ଗ ରାଜ୍ୟପାଳ ଦାୟିତ୍ୱ ତୁଲାଇଥିଲେ । ଜଗଦୀପ ଧନଖଡ ଉପରାଷ୍ଟ୍ରପତି ହେବା ପରେ ତାଙ୍କ ସ୍ଥାନରେ ସିବି ଆନନ୍ଦ ବୋଷଙ୍କୁ ନିଯୁକ୍ତ କରାଯାଇଥିଲା । 

ସିବି ଆନନ୍ଦ ବୋଷ ୧୯୭୭ ବ୍ୟାଚର ଆଇଏଏସ ଅଫିସର ଥିଲେ । ସେ ଜଣେ ଲେଖକ ମଧ୍ୟ । ସେ ଇଂଗ୍ରାଜୀ, ମଲୟଲମ ଓ ହିନ୍ଦୀରେ ପାଖାପାଖି ୪୦ ପୁସ୍ତକ ରଚନା କରିଛନ୍ତି । ତାଙ୍କ ଜବାହଲାଲ ନେହେରୁ ଫେଲୋସପିରେ ସମ୍ମାନିତ କରାଯାଇଥିଲା । ସେ ମୋଦୀ ସରକାରରେ ବିକାଶର ରୋଡ ମ୍ୟାପ୍ ପ୍ରସ୍ତୁତ କରିଥିଲେ ।