ହଳଦିଆ ବସ୍ତ୍ର ପିନ୍ଧି ହଳଦିଆ ବାବା ପରିଚୟ ଦେଇ ବୁଲୁଥିଲା ଭଣ୍ଡ, ଦିନରେ ବୁଲି ରାତିରେ ବୁଲାଉଥିଲା କଳାକନା

କନକ ବ୍ୟୁରୋ : ଦିନରେ ବାବା ରାତିରେ ଚୋର । ଦିନରେ ହଳଦିଆ ରଙ୍ଗର ଧୋତି ଗାମୁଛାରେ ବାବା ହୁଅନ୍ତି ଏବଂ ରାତିରେ ବୁଲାନ୍ତି କଳା କନା । ଏଭଳି ଏକ ଅଚିହ୍ନା ଚୋରକୁ କାବୁ କରିଛି ବୈପାରିଗୁଡା ପୁଲିସ । ବୈପାରିଗୁଡାରେ କିଛି ଦିନ ହେଲା ଜଣେ ହଳଦିଆ ରଙ୍ଗର ଧୋତି ଗାମୁଛାରେ ନିଜକୁ ହଳଦିଆ ବାବା କହି ବୁଲୁଥିବା ଦେଖିବାକୁ ମିଳିଥିଲା । କିନ୍ତୁ ଆଜି ଏହି ହଳଦିଆ ବାବାର ଅସଲି ଚେହେରା ସାମ୍ନାକୁ ଆସିଛି । ଅଜଣା ହଳଦିଆ ବାବା ଦିନରେ ବାବା ହୋଇ ବୁଲି ରାତିରେ ବିଭିନ୍ନ ସ୍ଥାନରେ କଳା କନା ବୁଲାଉ ଥିଲା । ସନ୍ଦେହ ହେବାରୁ ଜଣେ ବ୍ୟକ୍ତି ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳରେ ପହଂଚି ବିଭିନ୍ନ ପ୍ରକାରର ଚୋରି ସାମଗ୍ରୀ ଉଦ୍ଧାର କରିଥିଲା । ଅଭିଯୁକ୍ତ ନିକଟରୁ କର୍ଣ୍ଣାଟକର ପରିଚୟପତ୍ର ଜବତ କରିଛି ପୁଲିସ । ପୁଲିସ ହଳଦିଆ ବାବା ବଜାରରେ ବୁଲୁଥିବା ବେଳେ କାବୁ କରିବା ସହ ଥାନାକୁ ନେଇ ତଦନ୍ତ ଆରମ୍ଭ କରିଛି । ତଦନ୍ତ ପରେ ହଳଦିଆ ବାବାର ପ୍ରକୃତ ପରିଚୟ ଜଣାପଡ଼ିବ ବୋଲି ପୁଲିସ କହିଛି।