ପହଲଗାମର ୩ ଆତଙ୍କୀଙ୍କୁ ନିପାତ କରିଛୁ: ସଂସଦରେ କହିଲେ ଅମିତ ଶାହ

କନକ ବ୍ୟୁରୋ: ଲୋକସଭାରେ ଅପରେସନ ସିନ୍ଦୂରକୁ ନେଇ ଚର୍ଚ୍ଚା । ଗୃହରେ ବିବୃତି ରଖିଲେ ଅମିତ ଶାହ । କହିଲେ, ପହଲଗାମ୍ ଆକ୍ରମଣର ୩ ଆତଙ୍କୀ ନିପାତ ହୋଇଛନ୍ତି । ଅପରେସନ ମହାଦେବରେ ନିପାତ ହୋଇଛନ୍ତି । ସୁଲେମାନ, ଅଫଜଲ, ଜିବରାମ ନିପାତ ହୋଇଛନ୍ତି । ସେନା, ସିଆରଏଫ ଓ ଜମ୍ମୁ ପୁଲିସର ମିଳିତ ଅପରେସନରେ ଏହା ସଫଳ ହୋଇଛି । ଏନକାଉଣ୍ଟର କରିଥିବା ସୁରକ୍ଷାକର୍ମୀଙ୍କୁ ଧନ୍ୟବାଦ । ୯ଟି ଆତଙ୍କୀ ଆଡ୍ଡାକୁ ବି ସେମାନେ ମାଟିରେ ମିଶାଇଲେ । ଆତଙ୍କବାଦୀଙ୍କ ଘରେ ପଶି ତାଙ୍କୁ ମାରିଲୁ । କେବଳ ଆତଙ୍କବାଦୀଙ୍କୁ ହିଁ ଟାର୍ଗେଟ ଥିଲା । ଜଣେ ବି ସାଧାରଣ ଲୋକଙ୍କ ଜୀବନ ଯାଇନି । ଯାହାର ଯେମିତି ଚଷମା, ତାହାର ଦୃଷ୍ଟିଭଙ୍ଗୀ ସେମିତି । 

କେନ୍ଦ୍ର ଗୃହମନ୍ତ୍ରୀ ଅମିତ ଶାହ କହିଛନ୍ତି ଯେ ଅପରେସନ ସିନ୍ଦୂର ଦ୍ବାରା ଏପରି ଶିକ୍ଷା ଦିଆଯାଇଛି ଯେ କେହି ଦୀର୍ଘ ସମୟ ପର୍ୟ୍ୟନ୍ତ ଏପରି ଘଟଣା ଘଟାଇବାକୁ ସାହସ କରିବେ ନାହିଁ । ପୂର୍ବତନ ଗୃହମନ୍ତ୍ରୀ ପି ଚିଦାମ୍ୱରମ୍ ପ୍ରଶ୍ନ ଉଠାଇଛନ୍ତି ଯେ ଆତଙ୍କବାଦୀମାନେ ପାକିସ୍ତାନୀ ଥିଲେ ବୋଲି କଣ ପ୍ରମାଣ ଅଛି? ମୁଁ ଚିଦାମ୍ୱରମଙ୍କୁ କହିବାକୁ ଚାହୁଛି କି ଆମ ପାଖରେ ପ୍ରମାଣ ଅଛି ଆତଙ୍କବାଦୀ ପାକିସ୍ତାନର ବୋଲି । ଦେଶ ଦେଖିଛି ପାକିସ୍ତାନକୁ ବଞ୍ଚାଇବାକୁ କେମିତି ଷଡଯନ୍ତ୍ର ହେଉଛି ।