କନକବ୍ୟୁରୋ : କାନ୍ଥ ପଡି ସ୍ବାମୀ-ସ୍ତ୍ରୀ ଆହତ । ଚିକିତ୍ସା ପାଇଁ ତାଙ୍କୁ ଚମ୍ପୁଆ ଉପଖଣ୍ଡ ଡାକ୍ତରଖାନାରେ ଭର୍ତ୍ତି କରାଯାଇଛି । ଗତକାଲି ଠାରୁ ଲଗାଣ ବର୍ଷା ଜାରି ରହିଥିବା ବେଳେ ଆଜି ସକାଳୁ ଚମ୍ପୁଆ ବ୍ଲକ ଅନ୍ତର୍ଗତ କାଞିଆଶୁଳା ଗାଁରେ ଘର କାନ୍ଥ ପଡିବାରୁ ଘର ଭିତରେ ଥିବା ସ୍ୱାମୀ ସ୍ତ୍ରୀ ଚାପି ହେଇଯାଇଥିଲେ । ତାଙ୍କୁ ଗାଁ ଲୋକ ଉଦ୍ଧାର କରି ଚମ୍ପୁଆ ଡାକ୍ତରଖାନା ପଠାଇଛନ୍ତି ।

Advertisment

କାଞିଆଶୁଳା ଗାଁର ବେଣୁଧର ଦାସ ଓ ତାଙ୍କ ସ୍ତ୍ରୀ ଧୁବୁଲି ଦାସ ଘରେ ଥିବା ବେଳେ ଲଗାଣ ବର୍ଷାରେ ତାଙ୍କ ମାଟି ଘର ଭୁଷୁଡି ପଡ଼ିଥିଲା । ଘର କାନ୍ଥ ତଳେ ଦୁହେଁ ଚାପି ହେଇ ରହିଥିଲେ । ସ୍ଥାନୀୟ ଲୋକେ ଉଦ୍ଧାର କରି ଚମ୍ପୁଆ ଡାକ୍ତରଖାନା ପଠାଇଛନ୍ତି । ସେପଟେ ଭରାନଦୀ ପାର ହୋଇ ପିଲାଙ୍କୁ ପାଠ ପଢ଼ାଉଛନ୍ତି ଅଙ୍ଗନବାଡ଼ି କର୍ମୀ । ଲଗାଣ ବର୍ଷା ଯୋଗୁଁ କେନ୍ଦୁଝର ଜିଲ୍ଲା ବାଂଶପାଳ ବ୍ଲକରେ ମଳଦା ନଦୀର ଜଳସ୍ତର ବୃଦ୍ଧି ପାଇଛି ।

ଗାଁକୁ ପୋଲଟିଏ ନଥିବାରୁ କାଦକଳା ପଞ୍ଚାୟତର ହଳଡିହି ଗାଁ ସମ୍ପୂର୍ଣ୍ଣ ବାହ୍ୟ ଜଗତରୁ ବିଚ୍ଛିନ୍ନ ହୋଇ ରହିଛି ।  ଗାଁର ଲୋକମାନେ ମଧ୍ୟ ଜଳବନ୍ଦୀ ଜୀବନ ବିତାଉଛନ୍ତି । ଏଭଳି ସ୍ଥିତିରେ ଅଙ୍ଗନବାଡି କର୍ମୀ କରିଶ୍ମା ନାଏକ ତାଙ୍କ କର୍ତ୍ତବ୍ୟ ଭୁଲିନାହାନ୍ତି  ।  ନଦୀର ପ୍ରଖର ସ୍ରୋତରେ ପଶି ଗାଁରେ ପହଂଚି ପିଲାଙ୍କୁ ପାଠପଢ଼ାଉଛନ୍ତି ।