କନକ ବ୍ୟୁରୋ: ଗଞ୍ଜାମ ଜିଲ୍ଲା ପାଟପୁରରେ ବୁଲିଲା ଖଣ୍ଡା । ପାଟପୁର ଥାନା ରାମଚନ୍ଦ୍ରପୁର ଗାଁରେ ଗଣେଶ ଭସାଣ ବେଳେ ଗଣ୍ଡଗୋଳ ହୋଇଛି। ୩ ଜଣଙ୍କୁ  ଖଣ୍ଡାରେ ଆକ୍ରମଣ କରାଯାଇଛି । ୨ ଜଣ ଆହତ ହୋଇ ନିକଟସ୍ଥ ଆଡ଼ପଡା ମେଡିକାଲରେ ଚିକିତ୍ସିତ ହେଉଥିବା ବେଳେ ଅନ୍ୟ ଜଣେ ଗୁରୁତରଙ୍କୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି । ଗୁରୁତର ଯୁବକଙ୍କ ମୁଣ୍ଡ ଓ ଶରୀରର ବିଭିନ୍ନ ସ୍ଥାନରେ ଗଭୀର କ୍ଷତ ସୃଷ୍ଟି ହୋଇଛି । ଆହତ ଯୁବକମାନେ ହେଲେ ଜିତୁ ବରାଡ଼, ପପୁନ ବରାଡ଼ ଓ ବିଜୟ ବେହେରା । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ଅଭିଯୁକ୍ତଙ୍କୁ ଗିରଫ କରିବାକୁ ତନାଘନା ଆରମ୍ଭ 
କରିଛି ।