ପୁଲିସ ସହ ଗ୍ରାମବାସୀ ମୁହାଁମୁହିଁ, ଗାଁରେ କିଛି ଅସାମାଜିକ ଯୁବକଙ୍କ ଉତ୍ପାତ ଅଭିଯୋଗ ପାଇ ଯାଇଥିଲା ପୁଲିସ

କନକ ବ୍ୟୁରୋ:  ପୁଲିସ୍ ସହ ଜନତା ମୁହାଁମୁହିଁ । ଗାଡ଼ିକୁ ଅଟକାଇବା ସହ କଲେ ଭଙ୍ଗାରୁଜା । ବଲାଙ୍ଗୀର ପୁଇଁତଲା ଥାନା ଆଠାଗାଁରୁ ଏଭଳି ଦୃଶ୍ୟ ସାମ୍ନାକୁ ଆସିଛି । ସାରାରାତି ଗ୍ରାମବାସୀ ମାନେ ପୁଲିସ୍ ଟିମ୍‌କୁ ଅଟକାଇ ରଖିବା ସହ ଗାଡ଼ି ଭଙ୍ଗାରୁଜା କରିଛନ୍ତି । ଅଭିଯୋଗ ମୁତାବକ ଗାଁରେ କିଛି ଅସାମାଜିକ ଯୁବକ ଲଗାତର ଭାବେ ଗାଁରେ ପଶି ଗଣ୍ଡଗୋଳ ଭିଆଇବା ସହ ସ୍ଥାନୀୟ ଅଞ୍ଚଳବାସୀଙ୍କୁ ଧାରୁ୍ଆ ଅସ୍ତ୍ରରେ ଆକ୍ରମଣ କରିଥିଲା ।

ରୁଷିଆରୁ ଆଣି ଇରାନକୁ ବିକିଥିଲା ନ୍ୟୁକ୍ଲିୟର ଡିଜାଇନ୍, ISI ସହ ଲିଙ୍କ୍ ଥିବା ଆଦିଲ ଦିଲ୍ଲୀରୁ ଗିରଫ

ଏନେଇ ଥାନାରେ ଅଭିଯୋଗ କରାଯାଇଥିବା ବେଳେ ଗାଁରେ ପହଁଚିଥିଲା ପୁଲିସ୍ ଟିମ୍ । ଅଭିଯୁକ୍ତ ମାନଙ୍କ ବିରୋଧରେ ପୁଲିସ୍ ଦୃଢ଼ କାର୍ଯ୍ୟାନୁଷ୍ଠାନ ନେଉ ବୋଲି ଲୋକ ମାନେ ଜିଦ ଧରିବା ସହ ବହୁ ସମୟ ଧରି ପୁଲିସ୍ ସହ ଯୁକ୍ତି କରିଥିଲେ । ବହୁ ସମୟ ପୋଲିସ ଗାଡ଼ି କୁ ଅଟକ ରଖିବା ପରେ ସଦର ଏସଡିପିଓ ଘଟଣା ସ୍ଥଳରେ ପହଞ୍ଚି ବୁଝା ସୁଝା କରିଥିଲେ । ଏମିତିକି ଉତ୍ୟକ୍ତ ଲୋକମାନେ ପୁଲିସ ଗାଡ଼ିକୁ ମଧ୍ୟ ଭାଙ୍ଗି ଦେଇଥିବା ଦେଖିବାକୁ ମିଳିଛି ।