ଡିଲର ଚାଉଳ ନଦେବାରୁ ତାତିଲେ ଗ୍ରାମବାସୀ, ରାସ୍ତାରେ ବସି ଢେଙ୍କାନାଳ କଙ୍କଡ଼ାହାଡ଼ ବ୍ଲକ ବହାଡାପାଳ ଗାଁ ଲୋକଙ୍କ ପ୍ରତିବାଦ

କନକ ବ୍ୟୁରୋ : ଢେଙ୍କାନାଳ ଜିଲା  ଅପହଞ୍ଚ ଇଲାକା ବହାଡ଼ାପାଳ ଗାଁରେ ଗୁରୁବାର  ଗ୍ରାମବାସୀ ରାସ୍ତା ଉପରେ ବସି  ପ୍ରତିବାଦ କରିଛନ୍ତି । ଡିଲର ରାସନ ଚାଉଳ ନଦେବାରୁ ଏଭଳି ପ୍ରତିବାଦ କରିଛନ୍ତି ଗ୍ରାମବାସୀ ।  ଢେଙ୍କାନାଳ ଜିଲା କଙ୍କଡାହାଡ଼ ବ୍ଲକ କାନ୍ତୁଲ ପଂଚାୟତ ବହାଡ଼ାପାଳ ଗାଁର ଲୋକମାନେ ସଠିକ ଭାବରେ ଚାଉଳ ପାଉନଥିବା କାରଣରୁ ଗୁରୁବାର ଗାଁ ରାସ୍ତା ଉପରେ ବସିଲେ । ସେମାନଙ୍କ ଦାବି ପୂରଣ ନହେବା ଯାଏ ଚାଲିବ ଆନ୍ଦୋଳନ କହିଛନ୍ତି । ସେହି ରାସ୍ତା ଦେଇ ପରଜଙ୍ଗ ବିଧାୟକ ବିଭୁତି ପ୍ରଧାନ ଯିବାକୁ ଥିବାବେଳେ ଲୋକମାନେ ବିଧାୟକଙ୍କୁ ଏହାର ଅଭିଯୋଗ ଜଣାଇବା ପାଇଁ ଆନ୍ଦୋଳନ କରିଥିବା ସୂଚନା ।