କରୁର ଅଘଟଣ ନେଇ ବିଜୟଙ୍କ ବାର୍ତ୍ତା

କନକ ବ୍ୟୁରୋ : ସୁପ୍ରିମକୋର୍ଟଙ୍କ ତତ୍ତ୍ବାବଧାନରେ ତାମିଲନାଡୁ କରୁର୍ ଦଳାଚକଟା ଘଟଣାର ତଦନ୍ତ ପାଇଁ ଏନଡିଏ ଟିମ୍ ଦାବି କରିଛି । ହେମାମାଳିନୀଙ୍କ ନେତୃତ୍ବରେ ଯାଇଥିବା ଏନଡିଏର ୮ ଜଣ ପ୍ରତିନଧି ଘଟଣାସ୍ଥଳରେ ଅନୁଧ୍ୟାନ କରିବା ସହିତ ଲୋକଙ୍କ ସହ ଆଲୋଚନା କରିଥିଲେ । ଦଳାଚକଟାକୁ ନେଇ କିଛି ସନ୍ଦେହ ସୃଷ୍ଟି ହେଉଥିବା ହେମାମାଳିନୀ କହିଛନ୍ତି । ଗତ ରବିବାର ତାମିଲନାଡୁର କରୁରରେ ଟିଭିକେ ନେତା ଥାଲାପତି ବିଜୟଙ୍କ ରାଲିରେ ଦଳାଚକଟା ହୋଇଥିଲା । ଏଥିରେ ୪୧ ଜଣ ପ୍ରାଣ ହରାଇଥିଲେ ଓ ବହୁ ଲୋକ ଆହତ ହୋଇଛନ୍ତି । ଏନଡିଏ ଟିମ୍ ସେଠାରେ ଅକ୍ଟୋବର ୨ ତାରିଖ ପର୍ଯ୍ୟନ୍ତ ଅନୁଧ୍ୟାନ କରିବେ । ଦଳାଚକଟା ଘଟଣା ପରେ ଟିଭିକେର ଜଣେ ସମର୍ଥକ ଆତ୍ମହତ୍ୟା କରିଛନ୍ତି । ଦଳାଚକଟା ପାଇଁ ସେ ଡିଏମକେ ବିଧାୟକ ସେନ୍ଥିଲ ବାଲାଜୀଙ୍କୁ ତାଙ୍କ ସୁଇସାଇଡ୍ ନୋଟରେ ଦାୟୀ କରିଛନ୍ତି । ପୂର୍ବରୁ ଦଳାଚକଟା ପାଇଁ ଷଡ଼ଯନ୍ତ୍ର ଅଭିଯୋଗ ହେଉଥଲା । ଆତ୍ମହତ୍ୟା କରିଥିବା ଟିଭିକେ ସମର୍ଥକଙ୍କ ସୁଇସାଇଡ୍ ନୋଟ୍ ଆହୁରି ସନ୍ଦେହ ସୃଷ୍ଟି କରିଛି । ସେପଟେ ଦଳାଚକଟା ଘଟଣାକୁ ବିଜେପି ରାଜନୀତିର ରୂପ ଦେଉଥିବା ଅଭିଯୋଗ କରି କଂଗ୍ରେସ ମଧ୍ୟ ଏକ ଅନୁଧ୍ୟାନ ଟିମ୍ ଗଠନ କରିବା ପାଇଁ ଦାବି ଉଠିଛି ।

Advertisment

ତାମିଲନାଡୁ ଦଳାଚକଟା

ସୁପ୍ରିମକୋର୍ଟଙ୍କ ତତ୍ତ୍ବାବଧାନରେ ତଦନ୍ତ ଦାବି
ଦାବି କଲା କରୁର ଯାଇଥିବା ଏନଡିଏ ଟିମ୍
ହେମାମାଳିନୀଙ୍କ ନେତୃତ୍ବରେ ଏନଡିଏ ଟିମର ଅନୁଧ୍ୟାନ
ଦଳାଚକଟା ପରେ ଜଣେ ଟିଭିକେ ସମର୍ଥକଙ୍କ ଆତ୍ମହତ୍ୟା
ସୁଇସାଇଡ୍ ନୋଟରେ ଦଳାଚକଟା ପାଇଁ ଡିଏମକେକୁ କଲେ ଦାୟୀ
ଷଡ଼ଯନ୍ତ୍ର ଅଭିଯୋଗ ନେଇ ଆହୁରି ବଢ଼ିଲା ସନ୍ଦେହ
ବିଜେପି ଟିମ୍ ପଠାଇ ରାଜନୀତି କରୁଥିବା ଅଭିଯୋଗ
କଂଗ୍ରେସ ଏକ ଟିମ୍ ଗଠନ କରି ଅନୁଧ୍ୟାନ କରିବାକୁ ଦାବି