କନକବ୍ୟୁରୋ : ଲାଞ୍ଚ ନେଉଥିବା ସମୟରେ ମାଡିବସିଲା ଭିଜିଲାନ୍ସ । ରାଉରକେଲା ଜଙ୍ଗଲ ବିଭାଗ, ବିସ୍ରା ଫରେଷ୍ଟ ରେଞ୍ଜର ଡେପୁଟି ରେଞ୍ଜର ଅସିତ ପଟ୍ଟନାୟକ ଭିଜିଲାନ୍ସ ଜାଲରେ ଧରାପଡିଛନ୍ତି ।  ଜଣେ ଗାଡି ମାଲିକଙ୍କଠୁ ୧୮ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରାପଡିଛନ୍ତି ଅସିତ ପଟ୍ଟନାୟକ ।

Advertisment

ସରକାରୀ କାର୍ଯ୍ୟ ପାଇଁ ପୂର୍ବରୁ ନିୟୋଜିତ ଥିବା ଗାଡ଼ିର ଭଡ଼ା ଶୁଳ୍କ ପ୍ରଦାନ କରିବା ପାଇଁ ଗାଡ଼ି ମାଲିକଙ୍କ ଠାରୁ ୧୮,୦୦୦ ଟଙ୍କା ଲାଞ୍ଚ ନେଉଥିବା ବେଳେ ମାଡି ବସିଛି  ଭିଜିଲାନ୍ସ । ପରେ ତାଙ୍କର ବିଭିନ୍ନ ଠିକଣାରେ ଭିଜିଲାନ୍ସ ପକ୍ଷରୁ ଚଢାଉ ଆରମ୍ଭ ହୋଇଛି ।  ଏକା ସାଙ୍ଗରେ ଅସିତଙ୍କ ୪ଟି ଠିକଣାରେ ରେଡ କରିଛନ୍ତି ଭିଜିଲାନ୍ସ ଟିମ୍  । ରାଉରକେଲା ସ୍ଥିତ ତାଙ୍କ ଘର ରେଡ୍ କରିବା ସମୟରେ ୮ ଲକ୍ଷ ୩୭ ହଜାର ନଗଦ ଟଙ୍କା, ୩୯୦ ଗ୍ରାମର ସୁନା ଜବତ କରିଛି ଭିଜିଲାନ୍ସ ।