କନକ ବ୍ୟୁରୋ: ଉପରାଷ୍ଟ୍ରପତି ନିର୍ବାଚନ ପାଇଁ ନିର୍ବାଚନ କମିସନ ତାରିଖ ଘୋଷଣା କରିବା ପରେ ଏବେ  ଅନେକ ନାଁ ସମ୍ଭାବ୍ୟ ପ୍ରାର୍ଥୀ ଭାବେ ଚର୍ଚ୍ଚାରେ ଅଛି । ଏମାନଙ୍କ ମଧ୍ୟରେ ଅଛନ୍ତି ବର୍ତ୍ତମାନର ରାଜ୍ୟସଭା ଉପାଧ୍ୟକ୍ଷ ତଥା ଜନତା ଦଳ- ୟୁ'ର ରାଜ୍ୟସଭା ସଦସ୍ୟ ହରିବଂଶ ନାରାୟଣ ସିଂହ । ଜଗଦୀପ ଧନଖଡ଼ଙ୍କ ଇସ୍ତଫା ପରେ ସେ ରାଜ୍ୟସଭାର କାର୍ଯ୍ୟ ପରିଚାଳନା କରୁଛନ୍ତି ।  ଆଉଜଣେ ହେଲେ ନୀତିଶ କୁମାର । ଏବେ ନୀତିଶ ବିହାର ମୁଖ୍ୟମନ୍ତ୍ରୀ ଅଛନ୍ତି । ତାଙ୍କ ଦୀର୍ଘ ରାଜନୈତିକ ଅଭିଜ୍ଞତା ଓ ଏନଡିଏର ପ୍ରମୁଖ ସହଯୋଗୀ ଭାବେ ତାଙ୍କ ନାଁ ଉପରାଷ୍ଟ୍ରପତି ପ୍ରାର୍ଥୀ ଭାବେ ଚର୍ଚ୍ଚାରେ ଅଛି । ଆଉଜଣେ ହେଲେ ଜମ୍ମୁ ଓ କାଶ୍ମୀର ଉପରାଜ୍ୟପାଳ ମନୋଜ ସିହ୍ନା ।  ସେ ପୂର୍ବରୁ ସାଂସଦ ଓ କେନ୍ଦ୍ର ମନ୍ତ୍ରୀ ଥିଲେ । ଦିଲ୍ଲୀ ଉପରାଜ୍ୟପାଳ ଭି.କେ. ସକ୍ସେନାଙ୍କ ନାଁ ମଧ୍ୟ ଉପରାଷ୍ଟ୍ରପତି ପ୍ରାର୍ଥୀ ଭାବେ ଚର୍ଚ୍ଚାରେ ଅଛି । କେନ୍ଦ୍ରମନ୍ତ୍ରୀ ତଥା ଜେଡି-ୟୁ ନେତା ରାମନାଥ ଠାକୁର ବି ଚର୍ଚ୍ଚାରେ ଅଛନ୍ତି । ତେବେ ବଡ଼ କଥା ହେଲା ବିଜେପି ଉପରାଷ୍ଟ୍ରପତି ପ୍ରାର୍ଥୀ ଦେବ ବୋଲି ପୂର୍ବରୁ କହିଛି ।