କନକ ବ୍ୟୁରୋ : ଉପରାଷ୍ଟ୍ରପତି ପଦ ପାଇଁ ନିର୍ବାଚନ ଆୟୋଗ ନିର୍ବାଚନ ତାରିଖ ଘୋଷଣା କରିଛନ୍ତି । ନିର୍ବାଚନ ଆୟୋଗଙ୍କ ଘୋଷଣା ମୁତାବକ ଉପରାଷ୍ଟ୍ରପତି ପଦ ପାଇଁ ଅଗଷ୍ଟ ୨୧ ତାରିଖରେ ନାମାଙ୍କନ ଭରାଯିବ ଓ ସେପ୍ଟେମ୍ବର ୯ ତାରିଖରେ ଭୋଟ ଗ୍ରହଣ ହେବ । 

Advertisment

ସୂଚନା ଥାଉ କି, ଉପରାଷ୍ଟ୍ରପତି ପଦରେ ଥିବା ମହାମହିମ ଜଗଦୀପ ଧନଖଡ଼ କୌଣସି କାରଣରୁ ହଠାତ ଇସ୍ତଫା ଦେଇଥିଲେ । ଏହାପରେ କିଏ ପରବର୍ତ୍ତୀ ଉପରାଷ୍ଟ୍ରପତି ହେବେ ତାକୁ ନେଇ କଳ୍ପନା ଜଳ୍ପନା ଲାଗି ରହିଛି । ଏନେଇ କେବେ ନିର୍ବାଚନ ହେବ ତାକୁ ସମସ୍ତେ ଅନାଇ ବସିଥିବା ବେଳେ ଆଜି ନିର୍ବାଚନ ତାରିଖ ଘୋଷଣା କରିଛନ୍ତି ନିର୍ବାଚନ ଆୟୋଗ ।

କହିରଖୁ କି ଗତ ଉପରାଷ୍ଟ୍ରପତି ନିର୍ବାଚନରେ ଉଭୟ ଏନଡିଏ ଓ ଇଣ୍ଡିଆ ମେଣ୍ଟ ପ୍ରାର୍ଥୀ ଦେଇଥିଲେ । ହେଲେ ଏନଡିଏ ମେଣ୍ଟ ସମର୍ଥନରେ ପ୍ରାର୍ଥୀ ହୋଇଥିବା ଜଗଦୀପ ଧନଖଡ ବିଜୟୀ ହୋଇଥିଲେ । ଇଣ୍ଡିଆ ମେଣ୍ଟ ତରଫରୁ ମାର୍ଗେଟ୍ ଆଲଭାଙ୍କୁ ପ୍ରାର୍ଥୀ କରାଯାଇଥିଲା । ଏଥିରେ ଜଗଦୀପ ଧନଖଡଙ୍କୁ ୫୨୮ ଖଣ୍ଡ ଭୋଟ ମିଳିଥିବା ବେଳେ ମାର୍ଗେଟ୍ ଆଲଭାଙ୍କୁ ୧୮୨ ଖଣ୍ଡ ଭୋଟ ମିଳିଥିଲା । 

ଉପରାଷ୍ଟ୍ରପତି ପଦ ପାଇଁ ଭୋଟ ଦେଉଥିବା ମୋଟ ସାଂସଦଙ୍କ ସଂଖ୍ୟା ହେଉଛି ୭୯୦ । ସେଥିମଧ୍ୟରୁ ଲୋକସଭାର ୫୪୩ ସାଂସଦ, ରାଜ୍ୟସଭାକୁ ନିର୍ବାଚିତ ହୋଇଥିବା ୨୩୩ ଓ ଚୟନ ହୋଇ ଆସିଥିବା ୧୨ ଜଣ ସାଂସଦ ଭୋଟ ଦେଇଥାନ୍ତି ।