ଉପ-ରାଷ୍ଟ୍ରପତି ନିର୍ବାଚନ ପ୍ରସଙ୍ଗ : ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ସହ କଥାହେଲେ ରାଜନାଥ ସିଂ

କନକ ବ୍ୟୁରୋ : ଉପରାଷ୍ଟ୍ରପତି ନିର୍ବାଚନକୁ ନେଇ ପ୍ରସ୍ତୁତିକୁ ଜୋରଦାର କରିଛି ଏନ୍‌ଡିଏ । ଗତକାଲି ପ୍ରାର୍ଥୀ ଘୋଷଣା କରିବା ପରେ ସମର୍ଥନ ଯୋଗାଡ଼ ଆରମ୍ଭ କରିଛି । ଆଜି ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ସହ ଫୋନ୍‌ରେ କଥା ହୋଇଛନ୍ତି ରାଜନାଥ ସିଂ । ଉପରାଷ୍ଟ୍ରପତି ନିର୍ବାଚନ ନେଇ ସେ ସହଯୋଗ ଲୋଡ଼ିଛନ୍ତି । ହେଲେ ବିଜେଡିର ଆଭିମୁଖ୍ୟ କ’ଣ ରହିବ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ପୂର୍ବରୁ ଦଳର ବରିଷ୍ଠ ବିଜେଡି ନେତା ମହେଶ ସାହୁ କହିଥିଲେ କି ଉପରାଷ୍ଟ୍ରପତି ନିର୍ବାଚନରେ ଦଳ ସମର୍ଥନ କରିବ ନାହିଁ । ଏବେ ରାଜନାଥ ସିଂ କଥା ହେବା ପରେ ଦଳ କ’ଣ ନିଷ୍ପତ୍ତି ନେବ ତା’ ଉପରେ ନଜର ରହିଛି । ଏହା ସହ ତାମିଲନାଡୁ ମୁଖ୍ୟମନ୍ତ୍ରୀ ଷ୍ଟାଲିନ୍‌ଙ୍କ ସହ କଥା ହୋଇଛନ୍ତି ରାଜନାଥ ସିଂ।