କନକ ବ୍ୟୁରୋ: ଉପରାଷ୍ଟ୍ରପତି ପଦରୁ ଇସ୍ତଫା ଦେଇଛନ୍ତି ଜଗଦୀପ ଧନଖଡ଼ । ସ୍ବାସ୍ଥ୍ୟଗତ ସମସ୍ୟା ଦର୍ଶାଇ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନିକଟକୁ ଇସ୍ତଫା ପଠାଇଛନ୍ତି ଧନଖଡ଼ । ସଂସଦର ମୌସୁମୀ ଅଧିବେଶନର ପ୍ରଥମ ଦିନରେ ଧନଖଡ଼ ଇସ୍ତଫା ଦେଇଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ନିକଟକୁ ପଠାଇଥିବା ଚିଠିରେ ଲେଖିଛନ୍ତି, ମୁଁ ଦେଶର ରାଷ୍ଟ୍ରପତିଙ୍କ ପ୍ରତି ଅତୁଟ ସମର୍ଥନ ଏବଂ ମୋ କାର୍ଯ୍ୟକାଳରେ ଆମ ମଧ୍ୟରେ ସୁଖଦ ଓ ଅଦଭୁତ କାର୍ଯ୍ୟ ସମ୍ପର୍କ ପାଇଁ କୃତଜ୍ଞ । 

Advertisment

ପ୍ରଧାନମନ୍ତ୍ରୀ ଓ ମନ୍ତ୍ରୀ ପରିଷଦଙ୍କ ପ୍ରତି କୃତଜ୍ଞତା ଜ୍ଞାପନ କରୁଛି । ସଂସଦର ସବୁ ସଦସ୍ୟଙ୍କ ଠାରୁ ବହୁତ ଭଲପାଇବା ଓ ବିଶ୍ବାସ ପାଇଛି । ଦେଶର ମହାନ ଗଣତନ୍ତ୍ରରେ ଉପରାଷ୍ଟ୍ରପତି ଭଳି ପଦ ପାଇଥିବାରୁ ସମସ୍ତଙ୍କ ନିକଟରେ କୃତଜ୍ଞ । ନିଜ କାର୍ଯ୍ୟକାଳରେ ବହୁତ କିଛି ଶିଖିବାକୁ ପାଇଥିବା କହିଛନ୍ତି ଧନଖଡ଼ । ଜଗଦୀପ ଧନଖଡଙ୍କ ଇସ୍ତଫା ପରେ ନୂଆ ଉପରାଷ୍ଟ୍ରପତି ନିର୍ବାଚନ ନେଇ ଆଲୋଚନା ଆରମ୍ଭ ହୋଇଛି । 

ରୋକଠୋକ ବୟାନ ପାଇଁ ବେଶ ଚର୍ଚ୍ଚାରେ ରୁହନ୍ତି ଧନଖଡ
ସୁପ୍ରିମକୋର୍ଟ ‘ସୁପର ସଂସଦ’ ହୋଇପାରିବନି ବୋଲି କହି ଚର୍ଚ୍ଚାକୁ ଆସିଥିଲେ 
ଭାରତୀୟ ସମ୍ବିଧାନରେ ସଂସଦ ହିଁ ସର୍ବୋଚ୍ଚ, ଜନପ୍ରତିନିଧିଙ୍କ ଉପରେ କେହି ନାହିଁ
ଜନପ୍ରତିନିଧି ହିଁ ସମ୍ବିଧାନରେ ପରିବର୍ତ୍ତନ କରିପାରିବେ, ଅନ୍ୟ କେହି ନୁହେଁ
ଧନଖଡଙ୍କ ଏହି ବୟାନକୁ ନେଇ ଜୋରଦାର ବିରୋଧ କରିଥିଲେ ବିରୋଧୀ 
ଅଦାଲତ ରାଷ୍ଟ୍ରପତିଙ୍କୁ ନିର୍ଦ୍ଦେଶ ଦେଇପାରିବନି
ସୁପର ସଂସଦ ଭଳି ଏବେ କାମ କରୁଛନ୍ତି ବିଚାରପତି
ବିଧେୟକକୁ ରାଷ୍ଟ୍ରପତି ଓ ରାଜ୍ୟପାଳଙ୍କ ମଞ୍ଜୁରୀ ପାଇଁ ସମୟସୀମା ନିର୍ଦ୍ଧାରଣ ପାଇଁ କହିଥିଲେ ସୁପ୍ରିମକୋର୍ଟ 
ସୁପ୍ରିମକୋର୍ଟର ଏଭଳି ପରାମର୍ଶକୁ ବିରୋଧ କରିଥିଲେ ଉପରାଷ୍ଟ୍ରପତି 
ତାମିଲନାଡୁର ବିଲ୍‌କୁ ନେଇ ରାଜ୍ୟ ସରକାର-ରାଜ୍ୟପାଳଙ୍କ ମାମଲାରେ ସୁପ୍ରିମକୋର୍ଟକୁ ରାୟକୁ ନେଇ ଏଭଳି କହିଥିଲେ ଧନଖଡ
ରାଷ୍ଟ୍ରପତି ଓ ରାଜ୍ୟପାଳଙ୍କୁ ଛାଡିଦେଲେ ଅନ୍ୟ ସମସ୍ତଙ୍କୁ ଯାଞ୍ଚର ସାମ୍ନା କରିବା ଉଚିତ୍ 
ବିଚାରପତିଙ୍କ ଉପରେ କାହିଁକି ଦେଶର ଆଇନ ଲାଗୁ ହେବ ନାହିଁ?
କୌଣସି ସଂସ୍ଥା ସମ୍ବିଧାନରୁ ଉର୍ଦ୍ଧ୍ବରେ ନୁହନ୍ତି
୨୦୨୨ରେ ଦେଶର ଉପରାଷ୍ଟ୍ରପତି ପଦରେ ବସିଥିଲେ ଧନଖର