ଘରକୁ ଏହି ତିନି ଜୀବ ଆସିଲେ ଅତ୍ୟନ୍ତ ଶୁଭ । ଏମାନଙ୍କୁ ଖାଇବାକୁ ଦେବାକୁ ଭୁଲନ୍ତୁ ନାହିଁ ।

କନକ ବ୍ୟୁରୋ : ହିନ୍ଦୁ ଧର୍ମ ସହିତ ଜଡିତ ଶାସ୍ତ୍ର ଆମ ଜୀବନରେ ସକାରାତ୍ମକ ପ୍ରଭାବ ପକାଇଥାଏ । କିନ୍ତୁ ଆପଣ ଜାଣିଛନ୍ତି କି ଶାସ୍ତ୍ର କହୁଛି ଏହି ତିନି ଜୀବ ଯଦି ଘରକୁ ଆସୁଛନ୍ତି ଆଉ ତାଙ୍କୁ ଆପଣ ଖାଇବାକୁ ଦଉଛନ୍ତି ତେବେ ବହୁତ ଶୁଭ ମନେକରାଯାଇଥାଏ । ବାସ୍ତୁ ଶାସ୍ତ୍ର ଅନୁସାରେ ଯଦି ଭୋକିଲା  ଗାଈ ଆପଣଙ୍କ ଘରର ଦ୍ବାରରେ  ଠିଆ ହୋଇଛି ତାକୁ ଖାଇବାକୁ ଦିଅନ୍ତୁ । ଶାସ୍ତ୍ର ଅନୁସାରେ  ଗୋ ସେବା କରିବା ୩୩ କୋଟି ଦେବାଦେବିଙ୍କ ପୂଜା ସହ ସମାନ ହୋଇଥାଏ । ଏପରି କରିବା ଦ୍ବାରା ଅର୍ଥର  ସମସ୍ୟା ରହିନଥାଏ । ଏହି କାରଣରୁ କିଛି ଘର ମାନଙ୍କରେ  ରୁଟି  ପ୍ରସ୍ତୁତ କରିବା ସମୟରେ  ପ୍ରଥମ ରୁଟିଟି  ଗାଈର ନାମରେ  ରଖିଦେଇଥାନ୍ତି ତାକୁ ଖାଇବାକୁ ଦେବା ପାଇଁ ।

 ସେହିପରି ଜ୍ୟୋତିସ ଶାସ୍ତ୍ରକୁ ଯଦି ମାନିବା ତେବେ ସୋମବାର ଦିନ ଗାଈକୁ ରୁଟି ଆଉ ଗୁଡ ଖୁଆଇବା କଥା । ଏହା କରିବା ଦ୍ବାରା ଚନ୍ଦ୍ରମା ସମ୍ବନ୍ଧିତ ଦୋଷ ଶେଷ ହୋଇଯାଇଥାଏ । ଯଦି ଆପଣଙ୍କ ଘରକୁ ଭୋକିଲା ମାଙ୍କଡ ଆସୁଛି  ତେବେ ତାକୁ ଖାଇବାକୁ ଦେବା ଅତ୍ୟନ୍ତ ଶୁଭ ହୋଇଥାଏ। ଏହା  ଦ୍ବାରା ଘରକୁ ଶୁଖ,ଶାନ୍ତି  ଆସିଥାଏ । ମଙ୍ଗଳବାଳ ଦିନ ମାଙ୍କଡକୁ ଗୁଡ ଏବଂ ଚଣା ନିଶ୍ଚିତ ଖୁଆନ୍ତୁ । ହନୁମାନଙ୍କ କୃପା ଆପଣଙ୍କ ଉପରେ ହେବ ଏବଂ ବାଧାବିଘ୍ନ ଦୂର ହୋଇଯିବ। ଏଥିସହିତ ମଙ୍ଗଳ ଗ୍ରହ ମଜବୁତ ରହିବ । ସେହିପରି ବାସ୍ତୁ ଶାସ୍ତ୍ର ଅନୁସାରେ ଘରକୁ କଳା ଜନ୍ଦା ଆସିଲେଶୁଭ ହୋଇଥାଏ । ଏମାନଙ୍କୁ ଅଟା ଖୁଆଇବାକୁ କେବେ ଭୁଲନ୍ତୁ ନାହିଁ । ଯଦି ଜନ୍ଦା ନିୟମିତ ଭାବେ  ଘରକୁ ଆସି ଅଟା ଖାଉଛନ୍ତି ତେବେ ମହାଲକ୍ଷ୍ମୀଙ୍କ କୃପା ବରଷି ଥାଏ।  ଆର୍ଥିକ ସମସ୍ୟା ଦୂର ହୋଇଥାଏ । ଆଉ ପରିବାର ଲୋକଙ୍କୁ ସଫଳାତା ମିଳିଥାଏ।