କନକ ବ୍ୟୁରୋ : ପ୍ରକୃତି ତାଣ୍ଡବ ରଚିବା ପରେ ଧ୍ବଂସ ହୋଇଛି ଉତ୍ତରକାଶୀର ଧରାଲି ଗାଁ । ୨୪ ସେକେଣ୍ଡ ଭିତରେ ମାଟିରେ ମିଶିଛି ସମ୍ପୂର୍ଣ୍ଣ ଗାଁ । ଏବେ ସାମ୍ନାକୁ ଆସିଛି ଧ୍ବଂସଲୀଳା ପରେ ଧରାଲି ଗାଁର ଚିତ୍ର । ଆଖି ଯୁଆଡ଼େ ବୁଲୁଛି ସେଠି କେବଳ ବଡ଼ ପଥରଖଣ୍ଡ, ଅତଡ଼ା ମିଶା କାଦୁଅ । ମଙ୍ଗଳବାର ସକାଳେ ବାଦଲ ଫଟା ବର୍ଷା ପରେ ପାହାଡ଼ ଉପରୁ ଖସି ଆସିଥିଲା ଆତଙ୍କ । ପ୍ରକୃତିର ତାଣ୍ଡବକୁ ୨୪ଘଣ୍ଟା ବିତିଯାଇଛି ଓ ଚାଲିଛି ଉଦ୍ଧାର କାମ । ମାଟି ତଳେ ଫସି ରହିଥିବା ଶବକୁ ଉଦ୍ଧାର କରାଯାଉଛି । ଦେଢ଼ଶହରୁ ଅଧିକ ନିଖୋଜଙ୍କୁ ଖୋଜି ବାହାର କରିଛି ଏନ୍‌ଡିଆର୍‌ଏଫ୍‌, ସେନା ଓ ଆଇଟିବିପିର ମିଳିତ ଟିମ୍‌ । ଯଦି ଗତ କିଛି ବର୍ଷର ତଥ୍ୟ ଉପରେ ନଜର ପକାଇବା ତେବେ ଉତ୍ତରାଖଣ୍ଡର ଉତ୍ତରକାଶୀରେ ଏଭଳି ପ୍ରଳୟଙ୍କରୀ ଧ୍ବଂସଲୀଳା ବାରମ୍ବାର ଘଟିଛି । ବିଶେଷ କରି ଖିରୋ ଗାର୍ଡ, ହର୍ଷିଲ, ବଡ଼କୋଟ, କେଦାର ଗାଁ, ଖଲ୍ଲାଡ଼, ମାଟଲାଡ଼ ଓ କର୍ବାରୀରେ ପ୍ରାୟତଃ ଭୂସ୍ଖଳନ, ବାଦଲଫଟା ବର୍ଷା ସମସ୍ୟା ଦେଖାଯାଏ । ୧୮୩୫ ମସିହାରୁ ଲଗାତାର ଏଭଳି ଦୈବ ଦୁର୍ବିପାକ ସମ୍ମୁଖୀନ ହେଉଛି ଉତ୍ତରକାଶୀ ।

Advertisment

ଯେବେ ପ୍ରକୃତି ରାଗେ, ମଣିଷ କାନ୍ଦେ
-ଉତ୍ତରକାଶୀରେ ବର୍ଷ ବର୍ଷ ଧରି ତାଣ୍ଡବ ରଚୁଛି ପ୍ରକୃତି
-୧୮୩୫ ମସିହାରୁ ବାରମ୍ବାର ଭୂସ୍ଖଳନ, ବନ୍ୟା, ବାଦଲଫଟା ବର୍ଷା ହୁଏ
-୨୦୨୫ ଅଗଷ୍ଟ ୫ ପୂର୍ବରୁ ଏକାଧିକ ଭୟଙ୍କର ପ୍ରାକୃତିକ ବିପର୍ଯ୍ୟୟ ଘଟିଛି 
-୨୦୧୩ରେ କେଦାରନାଥ ଭୂସ୍କଳନ ଓ ବନ୍ୟା
-୨୦୨୧ ଋଷି ଗଙ୍ଗା ବନ୍ୟା ବେଶ୍‌ ଭୟାବହ ଥିଲା
-ଛୋଟବଡ଼ ଶତାଧିକ ଭୂସ୍ଖଳନ ଓ ବନ୍ୟା ଉତ୍ତରକାଶୀର ମେରୁଦଣ୍ଡକୁ ଭାଙ୍ଗିଛି
-ଧରାଲି ଗାଁ ଗଙ୍ଗୋତ୍ରୀଠୁ ୨୦ କିଲୋମିଟର ଦୂରରେ ରହିଛି 
-ଏହାର ତୀର୍ଥଯାତ୍ରା ପାଇଁ ମୁଖ୍ୟ ରାସ୍ତା
-୨୦୨୪ ଜୁଲାଇ ୩୧ରେ ଧରାଲି ଗାଁରେ ବଡ଼ ଭୂସ୍ଖଳନ ଘଟିଥିଲା 
-ଯେଉଁଥିରେ ୧୦ଜଣଙ୍କ ମୃତ୍ୟୁ ହୋଇଥିଲା
-ଅଧିକାଂଶ ଦୁର୍ଘଟଣା ଜୁଲାଇ ଓ ଅଗଷ୍ଟ ମାସରେ ଘଟିଥାଏ
-ଏହା ପଛରେ ଏକାଧିକ ଭୌଗୋଳିକ କାରଣ ରହିଛି
-ମୌସୁମୀ ବର୍ଷା ପାଇଁ ବିଭିନ୍ନ ଘାଟିରେ ଥିବା ନଦୀର ଜଳସ୍ତର ବଢ଼ିଯାଏ
-ଜଳସ୍ତର ବୃଦ୍ଧି ପରେ ନଦୀ ଜଳ ପ୍ରଖର ଗତିରେ ବୋହିଥାଏ
-ପ୍ରଖର ସ୍ରୋତ ପରେ ଭୟଙ୍କର ବନ୍ୟାର ରୂପ ନିଏ
-ଜଳବାୟୁ ପରିବର୍ତ୍ତନ ପାଇଁ ହିମାଳୟରେ ତରଳୁଛି ଗ୍ଲେସିୟର
-ଯାହା ଫଳରେ ବହୁମାତ୍ରାରେ ବରଫ ଜମାଟ ବାନ୍ଧିଥାଏ
-ପରବର୍ତ୍ତୀ ସମୟରେ ଏହା ତରଳିବା ସହ ଭୟଙ୍କର ବନ୍ୟାର ରୂପ ନିଏ