ଇରାନକୁ ଆମେରିକାର ପୁଣି ଧମକ  : ଆରମ୍ଭ ହେଲା ସୋସିଆଲ ଟ୍ବିଟ୍ ଯୁଦ୍ଧ

କନକବ୍ୟୁରୋ : ଇରାନକୁ ଆମେରିକାର ପୁଣି ଧମକ  ।  ମଙ୍ଗଳବାର ଦିନ ଆମେରିକା ରାଷ୍ଟ୍ରପତି ଡୋନାଲ୍ଡ  ଟ୍ରମ୍ପ ଟ୍ରୁଥ୍ ସୋସିଆଲରେ ଟ୍ୱିଟ୍ କରି ଦାବି କରିଛନ୍ତି ଯେ ଇରାନ ପୁଣି ଥରେ ପରମାଣୁ ଅସ୍ତ୍ର ତିଆରି କରୁଛି ଏବଂ ଭବିଷ୍ୟତରେ ଇରାନ ଉପରେ ଅଧିକ ଆକ୍ରମଣ ଧମକ ଦେଇଛି ।  ଆମେରିକା ଜୁନ୍ ୨୧ ତାରିଖରେ ଇରାନର ପ୍ରମୁଖ ପରମାଣୁ କେନ୍ଦ୍ରଗୁଡ଼ିକୁ ଏହାର ସବୁଠାରୁ ଘାତକ ବଙ୍କର ବର୍ଷ୍ଟର ବୋମା ଦ୍ୱାରା ଟାର୍ଗେଟ କରିସାରିଛି । 

ଏହାର ଗୋଟିଏ ମାସ ପରେ, ଡୋନାଲ୍ଡ ଟ୍ରମ୍ପ ପୁଣି ଥରେ ଇରାନକୁ ଧମକ ଦେଇଛନ୍ତି । ଇରାନର ବୈଦେଶିକ ମନ୍ତ୍ରୀ ଆବାସ ଆରାଘଚି ସ୍ୱୀକାର କରିଥିବା ବେଳେ ଡୋନାଲ୍ଡ ଟ୍ରମ୍ପ ଏହି ବୟାନ ଦେଇଛନ୍ତି ଯେ ଜୁନ୍ ମାସରେ ଆମେରିକାର ସାମରିକ ଆକ୍ରମଣ ଦ୍ୱାରା ଇରାନର ପରମାଣୁ ପ୍ରତିଷ୍ଠାନଗୁଡ଼ିକ ଗୁରୁତର ଭାବରେ କ୍ଷତିଗ୍ରସ୍ତ ହୋଇଛି ଏବଂ ୟୁରାନିୟମ ସମୃଦ୍ଧି ସମ୍ପୂର୍ଣ୍ଣ ଭାବରେ ବନ୍ଦ ହୋଇଯାଇଛି ।  ତଥାପି, ଆରାଘଚି ଏହା ମଧ୍ୟ କହିଛନ୍ତି ଯେ ଆବଶ୍ୟକ ହେଲେ, ଇରାନ ପୁଣି ଥରେ ଏହା କରିପାରିବ ।