ଏକୁଟିଆ ଯୁଦ୍ଧ ଲଢୁଛି ଇରାନ

କନକ ବ୍ୟୁରୋ : ଇସ୍ରାଏଲ ସହ ଯୁଦ୍ଧ ଭିତରେ ଇରାନର ହାତ ଛାଡ଼ୁଛନ୍ତି କି ସହଯୋଗୀ ? ଇସ୍ରାଏଲ ଓ ଇରାନ ପରମ ଶତୃ ରାଷ୍ଟ୍ର । ଇସ୍ରାଏଲ ବିରୋଧରେ ଲଗାତର ଭାବେ ଇରାନ ଛାୟା ଯୁଦ୍ଧ ଚଳାଇ ଆସୁଥିଲା । ଏଥିପାଇଁ ପଡ଼ୋଶୀ ଦେଶମାନଙ୍କରେ ବିଭିନ୍ନ ସାମରିକ ସଂଗଠନକୁ ଅସ୍ତ୍ରଶସ୍ତ୍ର ଓ ତାଲିମ ଯୋଗାଇ ଆସୁଥିଲା ଇରାନ । ଲେବାନନର ହିଜବୁଲ୍ଲା, ପାଲେଷ୍ଟାଇନର ହମାସ, ୟେମେନର ହୁତି ପରି ସଂଗଠନକୁ ବର୍ଷ ବର୍ଷ ଧରି ସବୁ ପ୍ରକାର ପ୍ରୋତ୍ସାହନ ଯୋଗାଇଆସୁଥିଲା ଇରାନ । ଏହି ସଂଗଠନ ଇସ୍ରାଏଲ ବିରୋଧରେ କାର୍ଯ୍ୟକଳାପ ଜାରି ରଖିଥିଲେ । ଏପରିକି ହମାସ୍ ବିରୋଧରେ ଇସ୍ରାଏଲ ଯୁଦ୍ଧ ଆରମ୍ଭ କରିବା ପରେ ହିଜବୁଲ୍ଲା ଓ ହୁତି ସକ୍ରିୟ ହୋଇ ଉଠିଥିଲେ । ଇସ୍ରାଏଲ୍ ଉପରେ ଆକ୍ରମଣ କରିଥିଲେ। ହେଲେ ଇସ୍ରାଏଲ ଏହାର ପାଲଟା ଜବାବ ଦେଇ ପ୍ରଚଣ୍ଡ ଆକ୍ରମଣ କରିଥିଲା । ଏପରିକି ହିଜବୁଲ୍ଲାର ସର୍ବୋଚ୍ଚ ନେତା ଇସ୍ରାଏଲ ଆକ୍ରମଣରେ ନିହତ ହୋଇଥିଲେ । ହେଲେ ଏବେ ଯେତେବେଳେ ଇରାନ ଓ ଇସ୍ରାଏଲ ଯୁଦ୍ଧ ଲଢ଼ୁଛନ୍ତି, ସେତେବେଳେ ଏହି ସହଯୋଗୀ ମାନେ ଏକଦମ୍ ନିରବ ରହିଥିବା ଦେଖିବାକୁ ମିଳୁଛି ।

Advertisment

ନିରବ ଇରାନ୍‌ ସହଯୋଗୀ

ଇରାନ ଯୁଦ୍ଧ ଲଢ଼ୁଥିବା ବେଳେ ନିରବ ରହିଛି ହିଜବୁଲ୍ଲା
ଯୁଦ୍ଧ ଆରମ୍ଭ ପରଠୁ ହିଜବୁଲ୍ଲା ଇସ୍ରାଏଲ ଉପରେ ଗୋଟିଏ ହେଲେ ରକେଟ୍‌ ମାଡ଼ କରିନାହିଁ
ଆଗରୁ ବାରମ୍ବାର ଇସ୍ରାଏଲ ଉପରକୁ ରକେଟ୍‌ ମାଡ଼ କରୁଥିଲା ହିଜବୁଲ୍ଲା
ଇସ୍ରାଏଲର ବାରମ୍ବାର ଆକ୍ରମଣରେ ହିଜବୁଲ୍ଲାର ମେରୁଦଣ୍ଡ ଭାଙ୍ଗିପଡ଼ିଛି
ହିଜବୁଲ୍ଲାର ସର୍ବୋଚ୍ଚ ନେତା ହସନ ନସରଲ୍ଲା ଇସ୍ରାଏଲ ଆକ୍ରମଣରେ ନିହତ ହୋଇଥିଲେ
ସେବେଠୁ ଏକପ୍ରକାର ନିରବ ହୋଇଯାଇଛି ଲେବାନନର ଏହି ସାମରିକ ସଂଗଠନ
ଓମାନର ହୁତି ସଂଗଠନ ବି ନିରବ ରହିଛି
ଇରାନ ସମର୍ଥନରେ ଇସ୍ରାଏଲ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଉନାହିଁ
ଇରାନର ଅନ୍ୟ ସହଯୋଗୀ ହମାସ୍ ଏବେ ନିଜେ ଯୁଦ୍ଧ ଲଢ଼ୁଛି
ହମାସ୍ ଉପରେ ଆକ୍ରମଣ କରି ପ୍ରଚଣ୍ଡ କ୍ଷତି ପହଞ୍ଚାଇସାରିଛି ଇସ୍ରାଏଲ
ଫଳରେ ଏବେ ଇରାନ ନିଜର ଛାୟା ସଂଗଠନ ବିନା ଏକାକୀ ଯୁଦ୍ଧ ଲଢ଼ୁଛି
ଇରାନକୁ ଚୀନ୍ ଓ ରୁଷ୍ କୂଟନୈତିକ ସହଯୋଗ କରୁଛନ୍ତି
ଅଥଚ ଏହି ଦୁଇ ରାଷ୍ଟ୍ର ଇରାନକୁ କୌଣସି ପ୍ରକାର ସାମରିକ ସହାୟତା ଯୋଗାଇବାର ସମ୍ଭାବନା କମ୍