ଖୋଲିବ ଡିଏମଏଫ ମହାକେଳେଙ୍କାରୀ: ସତ ସାମନାକୁ ଆଣିବେ ସିଏଜି

କନକ ବ୍ୟୁରୋ: ଡିଏମଏଫ ପାଣ୍ଠି ଟଙ୍କା ବ୍ୟାପକ ଭାବେ ହେରଫେର ନେଇ ଲଗାତାର ଭାବେ କନକ ନ୍ୟୁଜରେ ଖବର ପ୍ରସାରଣ କରିଥିଲା। ଅସାଧୁ କର୍ମଚାରୀ, ଠିକାଦାର ମିଶି କେମିତି କୋଟି କୋଟି ଟଙ୍କା ହରିଲୁଟ କରିଛନ୍ତି ଗ୍ରାଉଣ୍ଡଜିରୋରୁ ତାହା ଦେଖାଇଥିଲା କନକ ନ୍ୟୁଜ । ଏବେ ସେହି ମହାକେଳେଙ୍କାରୀର ଖୁଲାସା କରିବ ସିଏଜି। 

ରାଜ୍ୟ ସରକାରଙ୍କ ଅତିରିକ୍ତ ସଚିବ ପି.କେ.ମହାକୁଡ ଆକାଉଂଟସ ଜେନେରାଲ, ଅଡିଟ-୨କୁ  ଲେଖିଥିଲେ ଚିଠି । ଚିଠିରେ କୁହାଯାଇଛି  ଡିଏମଏଫ ଟ୍ରଷ୍ଟ ସମେତ ପ୍ରଧାନମନ୍ତ୍ରୀ ଖଣିଜ କ୍ଷେତ୍ର  କଲ୍ୟାଣ ଯୋଜନାର କାର୍ୟ୍ୟଦକ୍ଷତା ସମ୍ପର୍କରେ  ସିଏଜିଙ୍କ ଦ୍ବାରା ଅଡିଟ କରାଯିବ ।  ଏଥିପାଇଁ  ଡିଏମଏଫ ଟ୍ରଷ୍ଟର ଅଧ୍ୟକ୍ଷଙ୍କୁ ନେଇ  ଏକ ଏଣ୍ଟ୍ରି କନଫରେନ୍ସ ପାଇଁ ଚିଠି କରିଥିଲେ ।..  ଆଉ ଭିଡିଓ କନଫରେନ୍ସିରେ  ଏଂଟ୍ରି କନଫେରନ୍ସ ସରିଛି  । ଆଉ ଖୁବଶୀଘ୍ର ଅଡିଟ ଆରମ୍ଭ ହେବ ।  ବର୍ତ୍ତମାନ କେନ୍ଦୁଝର ଡିଏମଏଫରେ ସିଏଜି ପଶିବା ପରେ ରାଜନୀତି ଜୋର ଧରିଛି । 

ଅସାଧୁ କର୍ମଚାରୀ-ଠିକାଦାରଙ୍କ ମଧୁଚନ୍ଦ୍ରିକା
ଖବର ଦେଖାଇଥିଲା କନକ ନ୍ୟୁଜ
କେନ୍ଦୁଝର ଜିଲ୍ଲା  ଖଣିଜ ପ୍ରତିଷ୍ଠାନ, ଡିଏମଏଫ ଅନୁଦାନରେ ନିର୍ମିତ ବିଭିନ୍ନ ପ୍ରକଳ୍ପରେ  ମାଳମାଳ ଦୁର୍ନୀତି ହୋଇଛି । ଏ ନେଇ କନକ ନ୍ୟୁଜରେ ବାରମ୍ୱାର ଖବର ପ୍ରସାରଣ ହୋଇଥିଲା ।  ଡିଏମଏଫ ଖର୍ଚ୍ଚ କରୁଥିବା ଟଙ୍କାର  ଅଡିଟ କରୁଥିଲେ ବିଭିନ୍ନ ଚାଟାର୍ଟ ଆକାଉଟାଂଟ ଫାର୍ମ ।  ୨୦୧୫-୧୬ ମସିହାରୁ  ଆରମ୍ଭ  ହୋଇଥିବା କେନ୍ଦୁଝର ଡିଏମଏଫର ପରିଚାଳନା  ଦାୟିତ୍ବ ନେଇଛି ‘ଇ ଆଣ୍ଡ ୱାଇ’ । ଡିଏମଏଫ ଖର୍ଚ୍ଚ କରିଥିବା ଟଙ୍କାକୁ ଅସାଧୁ କର୍ମଚାରୀ-ଠିକାଦାର ମିଶି ଚଳୁ କରିଥିବା ଖବର ପ୍ରସାରଣ ପରେ ଜିଲ୍ଲା ପ୍ରଶାସନ ଓ ରାଜ୍ୟ ସରକାର ବିଭିନ୍ନ ସ୍ତରରେ ତଦନ୍ତ ନିର୍ଦ୍ଦେଶ ଦେଇଛନ୍ତି । ପ୍ରଶ୍ନ ଉଠୁଛି, 

ସିଏଜି ତଦନ୍ତରେ ଖୋଲିବ କି ଡିଏମଏଫ କାର୍ୟ୍ୟଦକ୍ଷତା?
ଅସାଧୁ କର୍ମଚାରୀ ପାଇବେ କି ଦଣ୍ଡ?
ଠିକାଦାରଙ୍କ ବିରୋଧରେ ହେବ କି କାର୍ୟ୍ୟାନୁଷ୍ଠାନ ?