କନକ ବ୍ୟୁରୋ: ବଜାରକୁ ଯେତେ ପ୍ରକାର ଦୀପ ଆସିଲେ ମଧ୍ୟ ମାଟିଦୀପର ଚାହିଦା କମିନାହିଁ । ଗାଁ ଗହଳିରେ କାରିଗରମାନେ ମାଟିଦୀପ ପ୍ରସ୍ତୁତ କରୁଛନ୍ତି । ଗୋବରରେ ମଧ୍ୟ ଦୀପ ତିଆରି କରାଯାଉଛି । ଗଞ୍ଜାମ ଜିଲ୍ଲା ଆସିକା ବ୍ଲକ ଜଗଦଳପୁର ଗାଁର ମହିଳା ଗୋବର, ମାଟି, ବାଲି ଓ କିଛି ଅଠା ମିଶାଇ ଦୀପ ତିଆରି କରୁଛନ୍ତି । ୧୦ ଜଣ ମହିଳା ୫ ବର୍ଷ ହେଲା ଏକ ସ୍ବୟଂ ସହାୟକ ଗୋଷ୍ଠୀ ଗଠନ କରି ଦୀପ ତିଆରି କରୁଛନ୍ତି । ବ୍ୟାଙ୍କ ଋଣ ଦେଇଛି ।  ଏହି ଦୀପକୁ ବଜାରରେ ବିକି କରି ଦି ପଇସା ରୋଜଗାର କରିପାରୁଛନ୍ତି । ଏଥିପାଇଁ ବ୍ଲକ୍ ପକ୍ଷରୁ ମହିଳାମାନଙ୍କୁ ତାଲିମ ଦିଆଯାଇଛି । 

ଲୋକମାନେ ଏହି ଗୋବର ଦୀପକୁ ଆଗ୍ରହରେ କିଣି ନେଉଛନ୍ତି । ଗୋଟିଏ ଛୋଟ ଦୀପର ଦାମ୍ ୫ ଟଙ୍କା ରହିଛି । ବଡ଼ ଦୀପ ଦାମ୍ ୧୦ରୁ ୫୦ ଟଙ୍କା ।  ମହିଳାମାନେ ଧୀରେଧୀରେ ବ୍ୟବସାୟ ବଢ଼ାଉଛନ୍ତି । କଞ୍ଚାମାଲ୍ ପାଇଁ ଟଙ୍କା ଓ ବ୍ୟାଙ୍କ ଋଣ ପରିଶୋଧ ପରେ ଯେଉଁ ମିଳୁଥିବା ଲାଭ ଟଙ୍କାକୁ ନିଜନିଜ ମଧ୍ୟରେ ଭାଗକରି ନେଉଛନ୍ତି । ଘରର ଛୋଟଛୋଟ ଖର୍ଚ୍ଚ ପାଇଁ ଏମାନଙ୍କୁ ଆଉ କାହା  ଉପରେ ନିର୍ଭର କରିବାକୁ ପଡୁନାହିାଁ ଘର କାମ ପରେ ଏମାନେ ଏକାଠି ହୋଇ ୩ ଘଣ୍ଟା କାମ କରନ୍ତି । ବଜାରକୁ ଚାଇନା ଓ ପ୍ଲାଷ୍ଟିକ୍ ଦୀପ ଆସୁଥିଲେ ମଧ୍ୟ ମାଟିଦୀପ ଲୋକଙ୍କ ପ୍ରଥମ ପସନ୍ଦ । ଗୋବର ମିଶା ମାଟିଦୀପର ଆହୁରି ଚାହିଦା ରହିଛି । ଯାହାକୁ ନଜରରେ ରଖି ମହିଳାମାନେ ଏଭଳି କାମ ଆରମ୍ଭ କରିଛନ୍ତି । ଯାହା ଅନ୍ୟ ମହିଳାଙ୍କ ପାଇଁ ଉଦାହରଣ । 
 ଦୀପ ଗୋଟାକୁ ୫ ଟଙ୍କା
ବଡ଼ଦୀପ ୧୦ରୁ ୫୦ ଟଙ୍କା
ମାସିକ ରୋଜଗାର ୫୦୦୦ରୁ ୭୦୦୦
ଦୀପାବଳି ବେଳେ ବଢ଼େ ବେପାର
ମାସିକ ଆୟ ହୁଏ ୨୦ ହଜାରରୁ ଅଧିକ