କନକ ବ୍ୟୁରୋ: ନିଜର ସ୍ପଷ୍ଟବାଦିତା ଏବଂ କାର୍ଯ୍ୟଦକ୍ଷତା ପାଇଁ ସବୁବେଳେ ଚର୍ଚ୍ଚାରେ ଥାନ୍ତି ନୀତିନ ଗଡ଼କରୀ । କେବେ କେବେ ତାଙ୍କ ବୟାନ ରାଜନୈତିକ ମହଲରେ ଝଡ ମଧ୍ୟ ସୃଷ୍ଟି କରିଥାଏ । ତେବେ ଗଡ଼କରୀ ପୁଣିଥରେ ଏକ ବୟାନକୁ ନେଇ ଚର୍ଚ୍ଚାକୁ ଆସିଛନ୍ତି । ମୁମ୍ବାଇରେ ଏକ କାର୍ଯ୍ୟକ୍ରମରେ ଯୋଗ ଦେଇ  ସରକାରଙ୍କୁ ସିଧା ଟାର୍ଗେଟ କରିଛନ୍ତି  ।

Advertisment

 ସେ ସରକାରୀ ବ୍ୟବସ୍ଥାର ଲାଲ୍ ଫିତା ସହ  ତୁଳନା କରିଛନ୍ତି ।  ସେ କହିଛନ୍ତି, "ମୁଁ ସର୍ବଦା ଅଧିକାରୀମାନଙ୍କୁ କୁହେ ଯେ, ଆମ  ସରକାର ବହୁତ ନିକମ୍ମା, ଏହି ସରକାର ଚାଲୁଥିବା ଗାଡ଼ିକୁ ପଙ୍କ୍‌ଚର୍ କରଦେ ।"  ଗଡ଼କରୀଙ୍କ ଏହି ବୟାନ ପରେ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଯାଇଛି । ତେବେ ସେ କୌଣସି ନିର୍ଦ୍ଦିଷ୍ଟ ସରକାରଙ୍କୁ ସମାଲୋଚନା କରୁନଥିଲେ, ବରଂ ସାମଗ୍ରିକ ଭାବେ ସରକାରୀ କାର୍ଯ୍ୟପ୍ରଣାଳୀରେ ଥିବା ଜଟିଳତା ଏବଂ ଅଯଥା ବିଳମ୍ବ ଉପରେ କ୍ଷୋଭ ପ୍ରକାଶ କରୁଥିଲେ ବୋଲି କହିଛନ୍ତି । 

ତେବେ  କାର୍ଯ୍ୟକ୍ରମରେ ନୀତିନ ଗଡ଼କରୀ ଉଦ୍ୟୋଗୀ ଏବଂ ବ୍ୟବସାୟୀମାନଙ୍କୁ ସମ୍ବୋଧିତ କରିଥିଲେ । ଏହି ସମୟରେ ସେ କହିଥିଲେ ଯେଉଁ କାମ ସମୟ ପୂର୍ବରୁ  ହେବା କଥା ଏବଂ ଅତି ସହଜରେ  ହେବା କଥା  ତାହା ସରକାରୀ ଅଧିକାରୀଙ୍କ ଯୋଗୁଁ ଅଟକି ରହେ । ଫାଇଲ୍ ଗୋଟିଏ ଟେବୁଲରୁ ଅନ୍ୟ ଟେବୁଲକୁ ଯିବା ପାଇଁ ମାସ ମାସ ସମୟ ଲାଗିଯାଏ ।  

ଗଡକରୀ  ଆହୁରି ମଧ୍ୟ କହିଥିଲେ "ଯିଏ କାମ କରେନି, ତା'ର କିଛି କ୍ଷତି ହୁଏନି, କିନ୍ତୁ ଯିଏ କାମ କରେ, ତା'କୁ ନିୟମକାନୁନ ଦେଖାଇ ହଇରାଣ କରାଯାଏ ।"  ସରକାରଙ୍କ କାମ ହେଉଛି ଲୋକଙ୍କ କାମକୁ ସହଜ କରିବା, ସମସ୍ୟା ସୃଷ୍ଟି କରିବା ନୁହେଁ ।  ତେବେ  ନୀତିନ ଗଡ଼କରୀଙ୍କ ଏହି ବୟାନ ଏବେ  ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି ।