ଋଣ ଭାର, ଝୁଲିପଡିଲେ ଡିଜେ ମାଲିକ । ସୋରରୁ ଆସିଲା ଅଭାବନୀୟ ଖବର

କନକ ବ୍ୟୁରୋ : ସୋରରୁ ଆସିଲା ଏକ ଅଭାବନୀୟ ଖବର । ଋଣ ଭାର ସହିନପାରି ଆତ୍ମହତ୍ୟା କରିଛନ୍ତି ଜଣେ ଡିଜେ ମାଲିକ । ବେକରେ ରଶି ଲଗାଇ ଜୀବନ ହାରିଛନ୍ତି । ଦହିସଡା ପଞ୍ଚାୟତ ଚାରିଘରିଆ ସାହି ଗାଁରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି । 

ସୂଚନା ଅନୁସାରେ, ଋଣ ବୋଝକୁ ନେଇ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଋଣ ଭାରରେ ସ୍ୱାମୀ ଚାପରେ ଥିବା ବେଳେ ସ୍ତ୍ରୀଙ୍କ ସହ ଝଗଡାକୁ ସହି ପାରିନଥିଲେ । ପରେ ସେ ଆତ୍ମହତ୍ୟା କରିଥିବା ସୂଚନାରୁ ଜଣାପଡିଛି 

ତେବେ ବିଭିନ୍ନ ପୂଜା ପାର୍ବଣରେ ଡିଜେକୁ ବନ୍ଦ କରିଦିଆଯାଉଛି । ଯାହା ଦ୍ୱାରା ଋଣ କରି ଡିଜେ କିଣିଥିବା ଡିଜେ ମାଲିକମାନେ ହତାସ ହେଉଛନ୍ତି । ବ୍ୟବସାୟ ହୋଇପାରୁନି, ଯାହା ଫଳରେ ଋଣ ମଧ୍ୟ ସୁଝି ହେଉନଥିବା ଅଭିଯୋଗ ହୋଇଛି ।