ମହାକାଳ ମନ୍ଦିରରେ ବଡ଼ ଅଘଟଣ । ଆଳୁ ଛଡ଼ା ମେସିନରେ ଲାଗିଗଲା ମହିଳା କର୍ମଚାରୀଙ୍କ ଓଢଣୀ , ଚାଲିଗଲା ମହିଳାଙ୍କ ଜୀବନ

ମଧ୍ୟପ୍ରଦେଶ ଉଜ୍ଜୟିନୀ ସ୍ଥିତ ମହାକାଳେଶ୍ବର ଜ୍ୟୋର୍ତିଲିଙ୍ଗ ମନ୍ଦିରରେ ବଡ଼ ଅଘଟଣ । ମନ୍ଦିରର ଅନ୍ନ କ୍ଷେତ୍ରରେ ଭୋଜନ ପ୍ରସ୍ତୁତ କରାଯାଉଥିବା ସମୟରେ ଘଟିଗଲା ବଡ଼ ଅଘଟଣ । ଆଳୁ ଛଡ଼ା ମେସିନରେ ଫସିଗଲା ମହିଳା କର୍ମଚାରୀଙ୍କ ଓଢ଼ଣୀ । ବେକ ଚିପିହେବା କାରଣରୁ ମହିଳା କର୍ମଚାରୀଙ୍କ ଚାଲିଗଲା ଜୀବନ । ଘଟଣାର ସୂଚନା ମିଳିବା ସଙ୍ଗେ ସଙ୍ଗେ ଘଟଣାସ୍ଥଳରେ ଜିଲ୍ଲାପାଳ ନୀରଜ୍ କୁମାର ସିଂ , ମନ୍ଦିର ପ୍ରଶାସକ ଗଣେଶ ଧାକଡଙ୍କ ସମେତ ଅନ୍ୟ ଅଧିକାରୀ ମଧ୍ୟ ପହଂଚିଥିଲେ । 

ଉଜ୍ଜେନ ମହାକାଳ ମନ୍ଦିରରେ ଆଉଟସୋର୍ସ କର୍ମଚାରୀ ଭାବେ କାର୍ଯ୍ୟରତ ରଜନୀ ଖତ୍ରି ଆଳୁ ଛଡ଼ା ମେସିନରେ କାମ କରୁଥିବା ସମୟରେ ଏଭଳି ଦୁଃଖଦ ଘଟଣା ଘଟିଗଲା । ରଜନୀ ପିନ୍ଧିଥିବା ଓଢ଼ଣୀ ମେସିନର ବେରିଙ୍ଗରେ ଫସିଗଲା ଏବଂ କିଛି ସମୟ ପରେ ହିଁ ବେକ ଚିପିହେବା କାରଣରୁ ରଜନୀଙ୍କ ମୃତ୍ୟୁ ହୋଇଗଲା । ଓଢଣୀ ଫସିବାର ତୁରନ୍ତ ବାଦ ଅନ୍ୟ ସହକର୍ମୀମାନେ ମେସିନକୁ ବନ୍ଦ କରିଦେଇଥିଲେ ହେଁ ମହିଳାଙ୍କ ଶ୍ବାସରୁଦ୍ଧ ହୋଇଯାଇଥିଲା । ତୁରନ୍ତ ରଜନୀଙ୍କୁ ହସ୍ପିଟାଲ୍ ନିଆଗଲା କିନ୍ତୁ ଭାଗ୍ୟର ବିଡ଼ମ୍ବନା ରଜନୀଙ୍କୁ ଡାକ୍ତର ମୃତ ଘୋଷଣା କଲେ । ଘଟଣାର ସୂଚନା ପାଇବା କ୍ଷଣି ମହାକାଳ ଥାନା ପୁଲିସ୍ ପହଂଚିଥିଲେ ।