ବାପାଙ୍କର ଦ୍ବିତୀୟ ପ୍ରସ୍ତାବ ଶୁଣି ଝୁଲିପଡିଲେ ଦୁଇ ପୁଅ : ନୟାଗଡ ଫତେଗଡ ଧାନଚାଙ୍ଗଡା ଗାଁରୁ ଆସିଲା ଅଭାବନୀୟ ଘଟଣା

କନକବ୍ୟୁରୋ : ବାପାର ଦ୍ବିତୀୟ ବିବାହ ଦେଖିପାରିବେନି ବୋଲି ଆତ୍ମହତ୍ୟା କରିଥିଲେ ଦୁଇ ନାବାଳକ ପୁଅ ।  ବାପାଙ୍କର ଦ୍ୱିତୀୟ ବିବାହ ପାଇଁ ପ୍ରସ୍ତାବ ଆସିବାରୁ ୨ ନାବାଳକ ପୁଅ ବେକରେ ରଶି ଲଗାଇ ଆତ୍ମହତ୍ୟା କରିଛନ୍ତି  ।  ନୟାଗଡ଼ ଫତେଗଡ଼ ଧାନଚାଙ୍ଗଡ଼ା ଗାଁରେ ଏଭଳି ହୃଦୟ ବିଦାରକ ଘଟଣା  ଦେଖିବାକୁ ମିଳିଛି  । ଖବର ପାଇ ଫତେଗଡ଼ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ନ ଚଳାଇଛି ।

ସୂଚନାରୁ ଜଣାପଡିଛି ଯେ ଧାନଚାଙ୍ଗଡ଼ା ଗାଁର ପ୍ରକାଶ ମହାନ୍ତି ୧୫ ବର୍ଷ ତଳେ ବିବାହ ହୋଇଥିଲେ  ।  ତାଙ୍କର ଗୋଟିଏ ପୁଅ  ୧୪ ବର୍ଷର ଥିବା ବେଳେ ଦ୍ବିତୀୟ ପୁଅଙ୍କ ବୟସ  ୧୧ ବର୍ଷ  ।  ବଡ଼ପୁଅ ୧୪ ବର୍ଷ ହୋଇଥିବା ବେଳେ ସାନପୁଅ ୧୧ ବର୍ଷ ର  । ପ୍ରକାଶଙ୍କ ସ୍ତ୍ରୀ କୁମଙ୍କ ୩ ବର୍ଷ ତଳେ ମୃତ୍ୟୁ ହୋଇଛି  ।  ପୁନର୍ବାର ପ୍ରକାଶ ଦ୍ୱିତୀୟ ବିବାହ ପାଇଁ ଗତକାଲି ପ୍ରସ୍ତାବ ଆସିବାରୁ ଦୁଇ ପୁଅ ବେକରେ ଲୁଗାବାନ୍ଧି ଝୁଲିପଡି ଆତ୍ମହତ୍ୟା କରିଥିବା ପୁଅର ବାପା ଅଚ୍ୟୁତ ମହାନ୍ତି କହିଛନ୍ତି ।  ଖବର ପାଇ ଫତେଗଡ଼ ଥାନା ପୁଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହିତ ଦୁଇ ପିଲାଙ୍କ ବାପା ପ୍ରକାଶଙ୍କୁ ଅଟକ ରଖିଥିବା ଜଣାପଡିଛି  ।