କନକ ବ୍ୟୁରୋ:  ମା’କୁ ମାରିଦେଲେ ଦୁଇ ପୁଅ । କଟକ ମହାନଦୀ ବିହାର ସେକ୍ଟର-୨ ଅଞ୍ଚଳରେ ଘଟିଛି ଅଭାବନୀୟ ଘଟଣା । ବ୍ରହ୍ମାନନ୍ଦ ଛକ ନିକଟରେ ରହୁଥିବା ଜଣେ ବୃଦ୍ଧାଙ୍କୁ ତାଙ୍କ ଦୁଇ ପୁଅ ହତ୍ୟା କରିଥିବା ଅଭିଯୋଗ ହୋଇଛି । ମହିଳାଙ୍କ ପେଟକୁ ଛୁରୀ ଭୁସି ହତ୍ୟା କରିଛନ୍ତି । ଏହା ସହ ମହିଳାଙ୍କ ବେକରେ ମଧ୍ୟ କଟାଦାଗ ରହିଛି । ବୃଦ୍ଧାଙ୍କ ଦୁଇ ପୁଅ ମାନସିକ ବିକାରଗସ୍ତ ବୋଲି ଜଣାପଡ଼ିଛି । ପରିବାରର ଅନ୍ୟ ସଦସ୍ୟଙ୍କ ଉପସ୍ଥିତିରେ ହତ୍ୟା କରିଛନ୍ତି ଦୁଇ ପୁଅ । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।