ବସ ଦୁର୍ଘଟଣାରେ ଦୁଇ ମୃତ : ରାଜନଗର ପଟ୍ଟାମୁଣ୍ଡାଇ ରାସ୍ତାରେ ଦୁର୍ଘଟଣା

କନକବ୍ୟୁରୋ : ବସ୍  ଦୁର୍ଘଟଣାରେ ଦୁଇ ମୃତ । ରାଜନଗର ପଟ୍ଟାମୁଣ୍ଡାଇ ରାସ୍ତାର ମଦନପୁର ନିକଟରେ ବସ୍  ଚଢ଼ି ଯିବାରୁ ଦୁଇ ଜଣଙ୍କର ମୃତ୍ୟୁ ହୋଇଛି ।  ମୃତକ ଦୁଇଜଣ ବଳଭଦ୍ରପୁର ଗାଁର । ସରୋଜ କୁମାର ଧଳ ଏବଂ ତାଙ୍କ ଶଳା ନଗଡ଼ ଗାଁର ଲମ୍ବଧର ପ୍ରଧାନ ଦୁଇ ଜଣ ମଦନପୁର ନିକଟରେ ଥିବା ଚୂଡ଼ା ମିଲରୁ ବାହାରି ରାସ୍ତା ଉପରକୁ ଉଠୁଥିଲେ  ।  ଏହି ସମୟରେ ରାଜନଗର ପଟୁ ଆସୁଥିବା ଏକ ବସ୍ ସିଧା ତାଙ୍କ ଉପରେ ଚଢ଼ି ଯାଇଥିଲା ।  ଘଟଣା ସ୍ଥଳରେ ସରୋଜ କୁମାର ଧଳଙ୍କର  ମୃତ୍ୟୁ ଘଟିଥିବା ବେଳେ ଅନ୍ର ଜଣଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା ।  ରାଜନଗର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଯାଇଛି  ।  

ସେପଟେ ଦୁର୍ଘଟଣାରୁ ଅଳ୍ପକେ ବର୍ତ୍ତିଲା ଲକ୍ଷ୍ମୀ ବସ୍ । ବାଙ୍କୀ କଳାପଥର ରାସ୍ତାର ନୂଆଗାଁ ନିକଟରେ ଭାରସ୍ୟାମ ହରାଇ ରାସ୍ତାରେ ଘଟିଛି ଦୁର୍ଘଟଣା । ରାସ୍ତା କଡ଼କୁ ଅଧା ଝୁଲନ୍ତା ଅବସ୍ଥାରେ ଫସିଗଲା ଲକ୍ଷ୍ମୀ ବସ୍ । ଯାତ୍ରୀ ମାନଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି । ବସ୍ ଟି ପୁଇଁଚାରୁ ୨୦ରୁ ଉର୍ଦ୍ଧ ଯାତ୍ରୀଙ୍କୁ ନେଇ ବାଙ୍କୀ ଆସୁଥିବା ବେଳେ ଏହି ଦୁର୍ଘଟଣା ଘଟିଛି। ରାସ୍ତା କଡରେ ବସୁଧା ଯୋଜନାର ପାଇପ ଲାଇନ କାମ ଚାଲୁଥିବା ସମୟରେ ମାଟି ଦବିଯିବାରୁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି ।