କନକ ବ୍ୟୁରୋ : ଆଜିଠାରୁ ଚୀନର ତିଆନଜିନ ସହରରେ ଦୁଇ ଦିନିଆ ସାଂଘାଇ ସହଯୋଗ ସମ୍ମିଳନୀ । ଗୋଟିଏ ମଞ୍ଚରେ ଏକାଠି ହେବେ ମୋଦୀ, ପୁଟିନ୍ ଓ ସି ଜିନପିଙ୍ଗ୍ । ଟାରିଫ୍ ମାଡ଼ ଓ ବିଶ୍ବ ବଜାରରେ ଆମେରିକାର ଏକଛତ୍ରବାଦକୁ ମାତ ଦେବାକୁ ପ୍ରସ୍ତୁତ କରିବେ ରଣନତୀ । ଏହି ଗୁରୁତ୍ବପୂର୍ଣ୍ଣ ବୈଶ୍ବିକ ସମ୍ମିଳନୀ ଉପରେ ସାରା ବିଶ୍ବ ବିଶେଷ କରି ଆମେରିକାର ନଜର ରହିଛି । ଭାରତ, ରୁଷ, ଚୀନ ସମେତ ଇରାନ, କାଜାଖସ୍ତାନ, କିର୍ଗିଜସ୍ତାନ, ପାକିସ୍ତାନ, ତାଜିକିସ୍ତାନ, ଉଜବେକିସ୍ତାନ ଏବଂ ବେଲାରୁଷ ମଧ୍ୟ ଏସସିଓ ସମୂହର ସଦସ୍ୟ ରାଷ୍ଟ୍ର । ଏସବୁ ରାଷ୍ଟ୍ର ଏକାଠି ଗୋଟିଏ ମଞ୍ଚରେ ଆମେରିକା ବିରୋଧରେ ବଡ଼ ରଣନୀତି ପ୍ରସ୍ତୁତ କରିବା ସମ୍ଭାବନା ରହିଛି । ଜାପାନ ଗସ୍ତ ପରେ ଏସସିଓ ସମ୍ମିଳନୀରେ ସାମିଲ ହେବା ପାଇଁ ପ୍ରାୟ ୭ ବର୍ଷ ପରେ ଚୀନରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ମୋଦୀ । ତିଆନଜିନ ବିମାନ ବନ୍ଦରରେ ମୋଦୀଙ୍କ ରେଡ଼ କାର୍ପେଟରେ ଭବ୍ୟ ସ୍ବାଗତ କରିଛି ଚୀନ । ଏହାପରେ ସେଠାରେ ବସବାସ କରୁଥିବା ପ୍ରବାସୀ ଭାରତୀୟଙ୍କ ପକ୍ଷରୁ ମଧ୍ୟ ନରେନ୍ଦ୍ର ମୋଦୀଙ୍କୁ ସ୍ବାଗତ କରାଯାଇଛି । ପ୍ରଧାନମନ୍ତ୍ରୀ ମୋଦୀଙ୍କ ଏହି ଗସ୍ତ ଏପରି ଏକ ସମୟରେ ହେଉଛି ଯେତେବେଳେ ସମଗ୍ର ବିଶ୍ୱ ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଶୁଳ୍କ ନୀତି ସହିତ ସଂଘର୍ଷ କରୁଛି । ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଦ୍ୱାରା ଲାଗୁ ହୋଇଥିବା ୫୦ ପ୍ରତିଶତ ଶୁଳ୍କ ପରେ, ପ୍ରଧାନମନ୍ତ୍ରୀ ମୋଦୀଙ୍କ ଚୀନ ଗସ୍ତ କୂଟନୀତି ପାଇଁ ଏକ ନୂତନ କ୍ଷେତ୍ର ସୃଷ୍ଟି କରିଛି ।

ଏସସିଓ ସମ୍ମିଳନୀ ଉପରେ ବିଶ୍ବର ନଜର

Advertisment

-ଆଜିଠୁ ଚୀନର ତିଆନଜିନ ସହରରେ ଦୁଇ ଦିନିଆ ସାଂଘାଇ ସହଯୋଗ ସମ୍ମିଳନୀ
-ଗୋଟିଏ ମଞ୍ଚରେ ଏକାଠି ହେବେ ମୋଦୀ, ପୁଟିନ୍ ଓ ସି ଜିନପିଙ୍ଗ୍
-ବିଶ୍ବ ବଜାରରେ ଆମେରିକାର ଏକଛତ୍ରବାଦକୁ ମାତ ଦେବାକୁ ପ୍ରସ୍ତୁତ କରିବେ ରଣନତୀ
-ଗୁରୁତ୍ବପୂର୍ଣ୍ଣ ବୈଶ୍ବିକ ସମ୍ମିଳନୀ ଉପରେ ଆମେରିକା ସହ ସାରା ବିଶ୍ବର ନଜର
-୭ ବର୍ଷ ପରେ ଚୀନ ଗସ୍ତରେ ଯାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ
-ଏହି ଗସ୍ତରେ ଲୁଚି ରହିଛି ବିଶ୍ୱ କୂଟନୀତିର ନୂତନ ଅଧ୍ୟାୟ
-ଟ୍ରମ୍ପଙ୍କ ଟାରିଫ୍ ଛାଟ ପରେ ଆମେରିକାର ହାତ ଛାଡୁଛନ୍ତି ସହଯୋଗୀ
-ସହଯୋଗୀ ଦେଶଗୁଡ଼ିକ ବାଣିଜ୍ୟ କ୍ଷେତ୍ରରେ ଅଲଗା ହେବାକୁ ବସିଲେଣି
-ଭାରତକୁ ବ୍ୟବସାୟ ପାଇଁ ମୁକ୍ତ ବଜାର ଦେବାକୁ ରୁଷ ଓ ଚୀନ କରିଛନ୍ତି ଘୋଷଣା
-ବ୍ରାଜିଲ ମଧ୍ୟ ଆମେରିକାଠାରୁ ଅଲଗା ହୋଇ ବାଣିଜ୍ୟ ବୃଦ୍ଧି କରିବାକୁ ପ୍ରସ୍ତୁତ କରୁଛି
-ଟ୍ରମ୍ପଙ୍କ ଏକପାଖିଆ ନୀତି ଆମେରିକାର ଶକ୍ତି ବୃଦ୍ଧି କରିବା ପରିବର୍ତ୍ତେ ହ୍ରାସ କରିଛି
-ମିତ୍ର ଦେଶଗୁଡ଼ିକ ଏବେ ବିକଳ୍ପ ଖୋଜୁଛନ୍ତି ଏବଂ ବିରୋଧୀ ଦେଶଗୁଡ଼ିକ ନିକଟତର ହେଉଛନ୍ତି
-ଭାରତ, ଚୀନ୍ ଏବଂ ରୁଷଙ୍କ ଏକାଠି ହେବା ସ୍ଥାୟୀ ହୋଇପାରେ କିମ୍ବା ନ ହୋଇପାରେ
-ଏହା ପରିବର୍ତ୍ତନଶୀଳ ବିଶ୍ୱ ସମୀକରଣର ବାସ୍ତବତାକୁ ପ୍ରତିଫଳିତ କରିବା ସମ୍ଭାବନା ରହିଛି