କନକ ବ୍ୟୁରୋ : ଛତିଶଗଡ଼ରେ ଏନକାଉଣ୍ଟର, ୨ ମାଓବାଦୀ ମୃତ । କୋଣ୍ଡାଗାଓଁ-ନାରାୟଣପୁର ସୀମାରେ ମାଓବାଦୀ ଓ ସୁରକ୍ଷା କର୍ମୀଙ୍କ ମଧ୍ୟରେ ଗୁଳି ବିନିମୟ ହୋଇଛି । କୋଣ୍ଡାଗାଓଁ ଜିଲ୍ଲା ବରଗୁମ ଜଙ୍ଗଲରେ ଯବାନ ମାଓବାଦୀ ମୁହାଁମୁହିଁ ହୋଇଛନ୍ତି । ଜଣେ ଡିଭିସିଏମ ଓ ଜଣେ ଏସିଏମ୍ କ୍ୟାଡର ମାଓବାଦୀଙ୍କ ମୃତ୍ୟୁ ହୋଇଛି । ସେମାନଙ୍କ ଠାରୁ ଏକେ-47 ବନ୍ଧୁକ ଓ ଗୁଳି ଗୋଳା ଜବତ କରାଯାଇଛି ।  

Advertisment

ଉଭୟଙ୍କ ନାଁରେ ୮ ଲକ୍ଷ ଓ ୬ ଲକ୍ଷ ଟଙ୍କାର ପୁରସ୍କାର ଥିଲା । ସେମାନଙ୍କ ବିରୋଧରେ ଡିଆରଜି ଓ ବସ୍ତର ଫାଇଟର୍ସ ପକ୍ଷରୁ ଗତ କାଲି ଅପରେସନ ଆରମ୍ଭ ହୋଇ ଥିଲା । ଆଉ ଆଜି ସଫଳତା ମିଳିଛି । ୨୦୨୬ ସୁଦ୍ଧା ନକ୍ସଲ ନିପାତ କରିବା ନେଇ ଗୃହମନ୍ତ୍ରୀ ଅମିତ ଶାହାଙ୍କ ଟାର୍ଗେଟ ଧୀରେଧୀରେ ବାସ୍ତବ ରୂପ ନେଉଛି । ଏନକାଉଣ୍ଟର ଭୟରେ କିଛି ମାଓବାଦୀ ଆତ୍ମସମର୍ପଣ କରୁଥିବା ମଧ୍ୟ ଦେଖିବାକୁ ମିଳୁଛି ।