କନକ ବ୍ୟୁରୋ : ଜମ୍ମୁକାଶ୍ମୀର ଉଧମପୁରରେ ଆସିଛି ବଡ ଖବର । ଏଠାକାର ଏକ ମନ୍ଦିର ପରିସରରୁ ଦୁଇଜଣ ଯବାନଙ୍କ ମୃତଦେହ ଉଦ୍ଧାର କରାଯାଇଛି । ଏମାନଙ୍କ ଶରୀରରେ ଗୁଳିମାଡ ହୋଇଥିବା ସୂଚନା ମିଳିଛି । ତେବେ କେଉଁ ପରିସ୍ଥିତିରେ ଏମାନଙ୍କ ମୃତ୍ୟୁ ହୋଇଛି ଏନେଇ ତନଘନା କରୁଛି ପୁଲିସ । ପ୍ରାଥମିକ ତଦନ୍ତରୁ ଜଣାପଡିଛି ଯେ ସହଯୋଗୀଙ୍କୁ ହତ୍ୟା କରିବା ପରେ ଆତ୍ମହତ୍ୟା କରିଥାଇପାରନ୍ତି ଅନ୍ୟଜଣେ ଯବାନ । ତେବେ ଘଟଣାର ସତ୍ୟତା ଉପରୁ ପର୍ଦ୍ଦା ଉଠାଇବାକୁ ଜମ୍ମୁକାଶ୍ମୀର ପୁଲିସ ପକ୍ଷରୁ ସ୍ବତନ୍ତ୍ର ଟିମ ଗଠନ କରାଯାଇ ତଦନ୍ତ କରାଯାଉଛି ।