କନକବ୍ୟୁରୋ : ପୁଣି ପଦାରେ ପଡ଼ିଲା ବିଜେଡିରେ ଫାଟ । ଜଗତସିଂହପୁର ଜିଲ୍ଲା ବିରିଡ଼ି ବ୍ଲକରେ ବିଜୁ ଜନତା ଦଳର ଦୁଇ ଗୋଷ୍ଠୀ ମୁହାଁମୁହିଁ  । ବିରିଡ଼ି ବ୍ଲକରେ ବିଜେଡି ବିଧାୟକ ରମାକାନ୍ତ ଭୋଇ ସମୀକ୍ଷା ବୈଠକ ସଭା ଡାକିଥିଲେ ସୁଦ୍ଧା କୌଣସି ପ୍ରକାର ଆଲୋଚନା କରିନଥିଲେ । ଫଳରେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ସ୍ଥିତି ଦେଖିବାକୁ ମିଳିଛି । ଯୁକ୍ତି ତର୍କ ଠାରୁ ଆରମ୍ଭକରି ଠେଲାପେଲା, ମାରପିଟ୍ ପର୍ଯ୍ୟନ୍ତ ପହଞ୍ଚି ଯାଇଥିଲା ସ୍ଥିତି  ।

Advertisment

ପୁଲିସ ଘଟଣାସ୍ଥଳରେ ରହିଥିବାବେଳେ ବି ସ୍ଥିତି ଅସମ୍ଭାଳ ହୋଇ ପଡିଥିବା ଦେଖିବାକୁ ମିଳିଛି । ବିରିଡ଼ି ବ୍ଲକ କାର୍ଯ୍ୟାଳୟ ରଣ କ୍ଷେତ୍ର ପାଲଟି ଯାଇଥିଲା । ଜଣକୁ କର୍ମୀ ମାନେ ଏକତ୍ରିତ ଆକ୍ରମଣ କରିଥିଲେ ପୁଲିସ ଘଟଣା ସ୍ଥଳରେ ପହଞ୍ଚି ବୁଝାବୁଝି କରିଥିଲେ । ବ୍ଲକ ଅଧ୍ୟକ୍ଷା ଉକ୍ତ ବୈଠକକୁ ଯାଇଥିଲେ ସୁଦ୍ଧା ତାଙ୍କୁ ବିଧାୟକ ଅଣ ଦେଖା କରିଥିଲେ । ସମସ୍ତ ପଞ୍ଚାୟତ ପ୍ରତିନିଧି ସମୀକ୍ଷା ବୈଠକ ନହେବାରୁ ନିରାଶ ହୋଇ ଫେରିଥିଲେ ।