ଶୋଇବାର ୩୦ ମିନିଟ୍‌ ପୂର୍ବରୁ ପିଅନ୍ତୁ ହଳଦୀ-କ୍ଷୀର ; ମିଳିବ ଏହି ସବୁ ଫାଇଦା

କନକ ବ୍ୟୁରୋ : ପ୍ରତ୍ୟେକ ରାତିରେ ଶୋଇବା ପୂର୍ବରୁ ହଳଦୀ କ୍ଷୀର ପିଇବା ଶରୀର ପାଇଁ ବହୁତ ଲାଭଦାୟକ। ଏହା ଆୟୁର୍ବେଦର ଏକ ଏପରି ଉପହାର ଯାହା ମଣିଷ ଶରୀର ଏବଂ ମନ ଉଭୟକୁ ସୁସ୍ଥ ରଖିଥାଏ । ହଳଦୀ କ୍ଷୀର ରୋଗ ପ୍ରତିରୋଧକ ଶକ୍ତି ପାଇଁ ଏକ ବରଦାନଠାରୁ କମ୍ ନୁହେଁ ! ଚରକ ସଂହିତାରେ ହଳଦୀକୁ ଏକ ଉତ୍କୃଷ୍ଟମାନର ଔଷଧ ଭାବରେ ବିବେଚନା କରାଯାଏ । ଆୟୁର୍ବେଦରେ ଏହାକୁ 'ହରିଦ୍ରା' କୁହାଯାଏ । ଏଥିରେ କରକ୍ୟୁମିନ୍ ନାମକ ଏକ ଉପାଦାନ ରହିଛି ଯାହା ଶରୀରରେ ପ୍ରଦାହକୁ ହ୍ରାସ କରେ , ରୋଗ ସହିତ ଲଢ଼ିବାରେ ସାହାଯ୍ୟ କରେ ଏବଂ ଏକ ଆଣ୍ଟିଅକ୍ସିଡାଣ୍ଟ ଭାବରେ କାର୍ଯ୍ୟ କରେ । ଅନ୍ୟପକ୍ଷରେ ଆୟୁର୍ବେଦରେ କୁହାଯାଇଛି ଯେ କ୍ଷୀର ଶରୀରର ମୌଳିକ ଶକ୍ତିକୁ ବୃଦ୍ଧି କରେ । ଆଉ ଯେତେବେଳେ ଉଭୟ କ୍ଷୀର ଏବଂ ହଳଦୀ ମିଶିଯାଆନ୍ତି, ସେମାନେ ତ୍ରିଦୋଷ ଅର୍ଥାତ୍ ବାତ , ପିତ୍ତ , କଫକୁ ସନ୍ତୁଳନରେ ଆଣନ୍ତି । ଏହା ଛଡ଼ା ଅନେକ ଫାଇଦା ମିଳେ ।

• ଯଦି କେହି ନିଦ୍ରାହୀନତା ସମସ୍ୟାରେ ପୀଡିତ , ତେବେ ହଳଦୀ କ୍ଷୀର ଆପଣଙ୍କ ପାଇଁ ଏକ ଔଷଧ । ଏଥିରେ ଥିବା ଆମିନୋ ଏସିଡ୍ ଟ୍ରିପ୍ଟୋଫାନ୍ ମସ୍ତିଷ୍କକୁ ଶାନ୍ତ କରିଥାଏ ଏବଂ ଗଭୀର ନିଦ୍ରା ଯୋଗାଇବାରେ ସାହାଯ୍ୟ କରିଥାଏ ।
• ଏହା ରୋଗ ପ୍ରତିରୋଧକ ଶକ୍ତିକୁ ମଧ୍ୟ ମଜଭୁତ କରିଥାଏ । କେବଳ ଏତିକି ନୁହେଁ, ହଳଦୀ କ୍ଷୀର ଥଣ୍ଡା, କାଶ, ଗଳା ଯନ୍ତ୍ରଣା ଭଳି ସମସ୍ୟାରୁ ଆରାମ ଦେଇଥାଏ ।
• ହଳଦୀ-କ୍ଷୀରରୁ ମିଳୁଥିବା କ୍ୟାଲସିୟମ ଗଣ୍ଠି ଯନ୍ତ୍ରଣା ଏବଂ ଶାରୀରିକ ପୀଡ଼ାରୁ ମୁକ୍ତି ଦିଏ ।
• ଏହା ବ୍ୟତୀତ ଚର୍ମ ରୋଗ , ବ୍ରଣ ସମସ୍ୟା କିମ୍ବା କୁଣ୍ଡାଇ ହେବା ସମସ୍ୟା ଥିଲେ ହଳଦୀ-କ୍ଷୀର ବ୍ୟବହାର କରନ୍ତୁ । କାରଣ ହଳଦୀ ରକ୍ତକୁ ପରିଷ୍କାର କରିଥାଏ ।
• ଯଦି ଆମେ ପାଚନ ପ୍ରକ୍ରିୟା କଥା କହିବେ ତେବେ ହଳଦୀ ଲିଭରକୁ ସଫା କରେ ଏବଂ ହଜମ ଶକ୍ତି ବଢ଼ାଏ । ଯାହା ଗ୍ୟାସ୍, କୋଷ୍ଠକାଠିନ୍ୟ କିମ୍ବା ଏସିଡିଟିରୁ ମୁକ୍ତି ଦିଏ । ଏହା ମାନସିକ ଚାପ , ଚିନ୍ତା କିମ୍ବା ଡିପ୍ରେସନ ସହିତ ଲଢ଼ିବାରେ ମଧ୍ୟ ସହାୟକ ହୁଏ । କାରଣ ଏହା ସେରୋଟୋନିନ୍ ଏବଂ ଡୋପାମିନ୍ ଭଳି ହରମୋନକୁ ସନ୍ତୁଳିତ କରେ।
• ଏହା ମହିଳାମାନଙ୍କ ପାଇଁ ମଧ୍ୟ ବହୁତ ଲାଭଦାୟକ । ମାସିକ ଋତୁସ୍ରାବ ସମୟରେ ହେଉଥିବା ଯନ୍ତ୍ରଣା , ମୁଡ୍ ସ୍ୱିଙ୍ଗ୍ ଏବଂ ହରମୋନ୍ ଅସନ୍ତୁଳନକୁ ଠିକ୍‌ କରେ ।
• ଯଦି କେହି ଓଜନ ହ୍ରାସ କରିବାକୁ ଚାହୁଛନ୍ତି, ତେବେ ହଳଦୀ କ୍ଷୀର ଆପଣଙ୍କ ମେଟାବୋଲିଜିମ୍‌କୁ ତ୍ୱରାନ୍ୱିତ କରେ ଏବଂ ଚର୍ବି କମ୍‌ କରିବାରେ ସାହାଯ୍ୟ କରେ ।       
ଚରକ ସଂହିତା ଅନୁସାରେ, ଏହାକୁ ପିଇବାର ସଠିକ୍‌ ସମୟ ହେଉଛି ରାତିରେ ଶୋଇବାର ପ୍ରାୟ ୩୦ ମିନିଟ୍ ପୂର୍ବରୁ । ମନେରଖନ୍ତୁ , ଖାଲି ପେଟରେ ହଳଦୀ କ୍ଷୀର ପିଅନ୍ତୁ ନାହିଁ । ଖାଦ୍ୟ ଖାଇବା ପରେ ଏହାକୁ ସେବନ କରନ୍ତୁ । ଯୋଗ କିମ୍ବା ପ୍ରାଣାୟମ ପରେ ହଳଦୀ କ୍ଷୀର ପିଇବା ବହୁତ ଲାଭଦାୟକ ।