ପୁଟିନଙ୍କ ସହଯୋଗୀଙ୍କ କଥାରେ ରାଗି ନିଆଁ ହେଲେ ଟ୍ରମ୍ପ : ଋଷ୍ ନିକଟରେ ୨ ପରମାଣୁ ବୁଡ଼ାଜାହାଜ ମୁତୟନ କଲା ଆମେରିକା

କନକ ବ୍ୟୁରୋ : ବଢୁଛି ଋଷ-ଆମେରିକା ବିବାଦ । ପୁଟିନଙ୍କ ସହଯୋଗୀଙ୍କ କଥାରେ ରାଗିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଋଷ୍ ନିକଟରେ ପରମାଣୁ ବୁଡ଼ାଜାହାଜ ମୁତୟନ କଲା ଆମେରିକା । ଭାରତ ଓ ଋଷକୁ ଟ୍ରମ୍ପଙ୍କ ମୃତ ଅର୍ଥନୀତି ବୟାନକୁ ନେଇ ଋଷର ପୂର୍ବତନ ରାଷ୍ଟ୍ରପତି କହିଥିଲେ ଆବଶ୍ୟକ ସ୍ଥଳେ ପରମାଣୁ ଯୁଦ୍ଧ ପାଇଁ ଋଷ ପ୍ରସ୍ତୁତ ଅଛି । ଆମେରିକା ଏଭଳି ଧମକକୁ ଗମ୍ଭୀରତାର ସହ ନେଇଛି । ଟ୍ରମ୍ପ କହିଛନ୍ତି, ସେ ଋଷ୍ ନିକଟରେ ଦୁଇଟି ପରମାଣୁ ବୁଡ଼ାଜାହାଜ ମୁତୟନ କରିବାକୁ ନିର୍ଦ୍ଦେଶ ଦେଇଛନ୍ତି। ସୋସିଆଲ ମିଡିଆରେ ଟ୍ରମ୍ପ ପୋଷ୍ଟ କରି କହିଛନ୍ତି ଯେ ସେ ଦୁଇଟି ପରମାଣୁ ବୁଡ଼ାଜାହାଜ ଉପଯୁକ୍ତ ଅଞ୍ଚଳରେ ମୁତୟନ କରିବାକୁ ନିର୍ଦ୍ଦେଶ ଦେଇଛନ୍ତି । ଋଷ୍ ନେତାଙ୍କ ମୁର୍ଖତାପୂର୍ଣ୍ଣ ,ଏବଂ ଉତ୍ତେଜନାପୂର୍ଣ୍ଣ ବୟାନ ଦୃଷ୍ଟିରୁ ଏଭଳି ପଦକ୍ଷେପ ନିଆଯାଇଛି । ଋଷର ନିରାପତ୍ତା ପରିଷଦର ଉପାଧ୍ୟକ୍ଷ ତଥା ପୂର୍ବତନ ରାଷ୍ଟ୍ରପତି ମେଦଭେଦେଭ ଗତକାଲି ଟ୍ରମ୍ପଙ୍କ ବୟାନର ଜବାବ ଦେଇ ‘ଡେଡ ହ୍ୟାଣ୍ଡ’ ଶବ୍ଦର ପ୍ରୟୋଗ କରିଥିଲେ। ଏହାର ଅର୍ଥ ହେଉଛି ଋଷିଆ ଉପରେ ଆକ୍ରମଣ ହେଲେ ଏହାର ପ୍ରତିଶୋଧମୂଳକ ପରମାଣୁ ଆକ୍ରମଣ କରିବ।