କନକ ବ୍ୟୁରୋ: ଆଉ ମାତ୍ର ଦିନ କେଇଟା ପରେ ଆମେରିକାର ରାଷ୍ଟ୍ରପତି ନିର୍ବାଚନ । ଏହା ପୂର୍ବରୁ ନିଜ ପ୍ରଚାରକୁ ଜୋରଦାର କରିଛନ୍ତି ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ।  ନିର୍ବାଚନରେ ଜିତିବା ପାଇଁ ଭିନ୍ନ ଭିନ୍ନ ତରିକା ଆପଣାଇଛନ୍ତି ଟ୍ରମ୍ପ । କିଛି ଦିନ ତଳେ ବର୍ଗର ବିକି ଚର୍ଚ୍ଚାକୁ ଆସିଥିବା ଟ୍ରମ୍ପ ଏବେ ଅଳିଆ ସଫା ଗାଡି ଚଲାଉଥିବାର ଦେଖିବାକୁ ମିଳିଛି । ଆମେରିକାର ୱିସକିନସନ ସହରରେ ପ୍ରଚାର ବେଳେ ଟ୍ରମ୍ପଙ୍କୁ ଟ୍ରକ ଚଲାଉଥିବା ଦେଖିବାକୁ ମିଳିଛି । ଏଥିସହିତ ଟ୍ରମ୍ପ ନିଜ ପ୍ରତିଦ୍ବନ୍ଦି କମଲା ହାସିର ଓ ରାଷ୍ଟ୍ରପତି ଜୋ ବାଇଡେନଙ୍କୁ ମଧ୍ୟ ଟାର୍ଗେଟ୍ କରିଛନ୍ତି । ଟ୍ରମ୍ପ କହିଛନ୍ତି ଏହି ଅଳିଆ ଗାଡି କମଲା ଓ ବାଇଡେନଙ୍କ ସମ୍ମାନରେ ସେ ଚଲାଉଛନ୍ତି । ଯାହାକୁ ନେଇ ଆମେରିକା ରାଜନୀତି ସରଗରମ ରହିଛି ।