ନଦୀରେ ବୁଡ଼ ପକାଇବାବେଳେ ଭାସିଗଲେ କାଉଡ଼ିଆ ଭଉଣୀ

କନକ ବ୍ୟୁରୋ : ରାଖୀ ପୂର୍ଣ୍ଣିମାରେ ବଡ଼ ଅଘଟଣ । ନଦୀରେ ବୁଡ଼ ପକାଉଥିବା ବେଳେ ଭାସିଗଲେ ଦୁଇ ଭଉଣୀ । ସୁବର୍ଣ୍ଣରେଖା ନଦୀରେ ବୁଡ଼ ପକାଇବା ସମୟରେ ପ୍ରଥମେ ତିନି ଜଣ ଭାସି ଯାଇଥିଲେ । ଜଣକୁ ଉଦ୍ଧାର କରାଯାଇଥିବା ବେଳେ ଦୁଇ ନାବାଳିକା ନିଖୋଜ ହୋଇଯାଇଛନ୍ତି । ଜଳେଶ୍ୱର ଶିଖରପୁର ଘାଟରେ ବୁଡ଼ ପକାଉଥିବା ବେଳେ ନଦୀ ସ୍ରୋତରେ ଭାସି ଯାଇଛନ୍ତି । ନିଖୋଜ ଦୁଇ ନାବାଳିକା ହେଉଛନ୍ତି ସ୍ଥାନୀୟ ଚକହରି ଗାଁର । ଏବେ ବି ଦୁଇ ଭଉଣୀ ନିଖୋଜ ଥିବାବେଳେ ଖୋଜାଖୋଜି ଜାରି ରହିଛି ।