ଏଇ ଘଣ୍ଟାର ୧୦ ବଡ଼ ଖବର

ମୁଖ୍ୟମନ୍ତ୍ରୀଙ୍କ ଟାର୍ଗେଟରେ ବିଜେଡି 
ବିକଶିତ ଓଡ଼ିଶା ସମ୍ମିଳନୀରେ ବିଜେଡିକୁ ଟାର୍ଗେଟ କଲେ ମୁଖ୍ୟମନ୍ତ୍ରୀ । ଏମଓୟୁ କରି ଚୁପ ବସିଥିଲେ ପୂର୍ବ ସରକାର । ଆମ ସରକାର ଶିଳ୍ପର ଗ୍ରାଉଣ୍ଡ ବ୍ରେକିଂ କରାଇଛନ୍ତି । 

ବିଜୁ ପଟ୍ଟନାୟକ ଶ୍ରେଷ୍ଠ କ୍ରୀଡ଼ା ପୁରସ୍କାର ପ୍ରଦାନ 
ଜାତୀୟ କ୍ରୀଡ଼ା ଦିବସ ଅବସରରେ ପୁରସ୍କାର ପ୍ରଦାନ । ପ୍ରଦାନ କରାଗଲା ବିଜୁ ପଟ୍ଟନାୟକ କ୍ରୀଡ଼ା ପୁରସ୍କାର । ରାଜ୍ୟପାଳ ହରିବାବୁ କମ୍ଭମପାଟ୍ଟି ପ୍ରଦାନ କଲେ ପୁରସ୍କାର । ଅନିମେଶ କୁଜୁର ହେଲେ ଶ୍ରେଷ୍ଠ କ୍ରୀଡ଼ାବିତ୍ 

ପୁଲିସକୁ ବାନ୍ଧିଲା ପୁଲିସ 
ପିପିଲି ମନ୍ଦାରବସ୍ତ ଫାଣ୍ଡି ଅଧିକାରୀ ଗିରଫ । ଫାଣ୍ଡି ଅଧିକାରୀଙ୍କୁ ଗିରଫ କଲା କ୍ରାଇମବ୍ରାଞ୍ଚ । କାଲି ଉଠାଇନେଇଥିଲା କ୍ରାଇମବ୍ରାଞ୍ଚ ଓ କୋରାପୁଟ ପୁଲିସର ସ୍ୱତନ୍ତ୍ର ଟିମ୍ ।
ବନ୍ୟାର କ୍ଷତ, ଉଜୁଡ଼ା କ୍ଷେତ 
ଉତ୍ତରରୁ ଉପକୂଳ ବନ୍ୟା କରୁଛି କଲବଲ । ଏବେ ବି କେନ୍ଦ୍ରାପଡା, ଯାଜପୁର, ବାଲେଶ୍ବର, ଭଦ୍ରକର ଏକାଧିକ ଗାଁ ବାହ୍ୟ ଜଗତରୁ ବିଛିନ୍ନ । ପାଣିରେ ବୁଡି ଉଜୁଡି ଯାଇଛି ଫସଲ ।

ସାର ପାଇଁ ସଂଘର୍ଷ ସରୁନି 
ସାର ପାଇଁ ସରୁନି ସଂଗ୍ରାମ । ସାରା ରାଜ୍ୟରେ ଉତ୍କଟ ସାର ସଙ୍କଟ । ଗଞ୍ଜାମ, ନବରଗଂପୁର, ମାଲକାନଗିରି, ସବୁଠି ସାର ପାଇଁ ଲାଗିଛି ଚାଷୀଙ୍କ ଭିଡ଼ ।

ସରକାର-ଟ୍ରଷ୍ଟ ମୁହାଁମୁହିଁ
ଦେଶର ବିଭିନ୍ନ ସ୍ଥାନରେ ପ୍ରକୃତି ରଚୁଛି ପ୍ରଳୟ । କାଶ୍ମୀରରୁ କନ୍ୟା କୁମାରୀ ସବୁଠି ବର୍ଷା, ବନ୍ୟା ଓ ଭୂସ୍ଖଳନ । ବୈଷ୍ଣୋଦେବୀ ଅଘଟକୁ ନେଇ ନେଇ ଜମ୍ମୁ କାଶ୍ମୀର ସରକାର ଓ ମନ୍ଦିର ଟ୍ରଷ୍ଟ ମୁହାଁମୁହିଁ ।

କାହା ଚାପରେ ହୋଇଥିଲା ଅସ୍ତ୍ରବିରତି?
କାହା ଚାପରେ ହୋଇଥିଲା ପାକିସ୍ତାନ ସହ ଅସ୍ତ୍ର ବିରତି ? କ’ଣ ଭାବୁଛନ୍ତି ଦେଶର ଜନତା? ଜାତୀୟ ଗଣମାଧ୍ୟମର ସର୍ଭେ ରିପୋର୍ଟରୁ ଆସିଲା ରୋଚକ ତଥ୍ୟ । ୫୫ ପ୍ରତିଶତଙ୍କ ମତ ଦୃଢ଼ ଥିଲା ଭାରତର କାର୍ଯ୍ୟାନୁଷ୍ଠାନ ।

ଟାରିଫ ପ୍ରଭାବରେ ଟଙ୍କା ଦୁର୍ବଳ
ଡଲାର ତୁଳନାରେ ସର୍ବନିମ୍ନ ସ୍ତରକୁ ଖସିଲା ଟଙ୍କା । ଏଣିକି ଗୋଟିଏ ଡଲାର ମୂଲ୍ୟ ୮୭ ଟଙ୍କା ୯୭ ପଇସା । ସେପଟେ ପ୍ରଥମ ତିନିମାସରେ ଜିଡିପି ୭ ଦଶମିକ ୮ ପ୍ରତିଶତକୁ ବୃଦ୍ଧି ।

ଜୀବନ ହାରିଲେ ଆଇଟି ବୋହୂ
ପୁଣି ଯୌତୁକ ନେଲା ଜୀବନ । ସ୍ବାମୀ ଓ ଶାଶୂଘରର ନିର୍ଯାତନା ସହି ନପାରି ଝୁଲିପଡ଼ିଲେ ବୋହୂ । ବେଙ୍ଗାଲୁରୁର ଏକ ପ୍ରତିଷ୍ଠିତ କମ୍ପାନିରେ ଥିଲେ ସଫ୍ଟୱେର ଇଞ୍ଜିନିୟର ।

ଚୀନକୁ ହରାଇଲା ଭାରତ
ଏସିଆ କପ୍ ହକିରେ ଭାରତର ବିଜୟ । କଡ଼ା ମୁକାବିଲାରେ ଚୀନକୁ ୪-୩ ଗୋଲରେ ହରାଇଲା । ହରମନ ପ୍ରୀତଙ୍କ ହ୍ୟାଟ୍ରିକ, ମ୍ୟାନ ଅଫ ଦ ମ୍ୟାଚ୍ । ୩୧ରେ ଜାପାନ ସହ ଟକ୍କର ।